Acta Apostolicae Sedis - Commentarium Officiale386

sum eiusque rationem attinet, - Status parentis minime gravior factus est per

graviditatem, quae gravi innata uteri deformatione processit; - Spiratoria

pathologia, qua valde immaturus fetus afficiebatur, postumis effectibus pror-

sus absentibus remissa est; - Universus eventus, quod ad scientiam pertinet,

ex huiusce temporis artis cognitionibus explicari non potest ». Qui porro casus

perpensus est primum a Consultoribus Theologis, nempe in Peculiaribus Con-

gressibus, quorum alter die 4 mensis Aprilis anno 2006, alter vero subsequenti

die 13 mensis Iulii habitus est, deinde etiam a Patribus Cardinalibus et Epi-

scopis, in Ordinaria Sessione quae die 12 mensis Decembris, eodem anno,

Exc.mo D. Lino Fumagalli, Episcopo Sabinensi-Mandelensi, Causae Ponente,

facta est. Et in utroque Coetu, sive Consultorum sive Cardinalium et Episco-

porum, posito dubio an de miraculo divinitus patrato constaret, responsum

affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Beati

Antonii a Sancta Anna (in saec.: Antonii Galvão de França), Sacerdotis pro-

fessi Ordinis Fratrum Minorum Alcantarinorum (seu Discalceatorum), Funda-

toris Monasterii Sororum Conceptionistarum, videlicet de « scampato pericolo per

totale assenza di complicanze a carico della madre e del bambino, data la condi-

zione patologica esistente » id est «malformazione uterina congenita di classe 3-4

secondo la classificazione della Società Americana di Fertilità (AFS), non cor-

retta chirurgicamente, in paziente con storia clinica di poliabortività spontanea,

con esito gestazionale materno-fetale favorevole ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 16 mensis Decembris A. D. 2006.

Iosephus card. Saraiva Martins

Praefectus

L. e S. e Eduardus Nowak

archiep. tit. Lunensis, a Secretis