Congregatio de Causis Sanctorum 387

CIVITATIS CASTELLI

Beatificationis et canonizationis Ven. Servi Dei Caroli Liviero Episcopi Civitatis

Castelli Fundatoris Congregationis Sororum Parvarum Ancillarum Sacri Cordis

(1866-1932)

DECRETUM SUPER MIRACULO

Venerabilis Servus Dei Carolus Liviero, die 29 mensis Maii anno 1866,

Vicetiae natus est. Intra fines Patavinae dioecesis, in qua sacrum presbyte-

ratus ordinem anno 1888 acceperat, Galei (Gallio), mox Anniae (Agna) sedulo

in ministerium pastorale incubuit, adeo ut anno 1910 Tifernatensi episcopatu

augeretur. Sacram suam ipse dicionem summa caritate gubernavit; praeterea

in episcopali munere exercendo sese devovendi studio et apostolica alacritate

floruit. Nec opus pro animarum salute umquam intermisit, sed in hoc quoque

operam navavit, ut regnum Dei inter varia populi genera cresceret. Praecipua

insuper sollicitudine curavit ut pauperes ac pupilli, pro quibus Congregatio-

nem Sororum Parvarum Ancillarum S. Cordis instituit, ad pleniorem huma-

nam et christianam dignitatem accederent. Casu viario vulneratus, sancte

obdormivit in Domino die 7 mensis Iulii anno 1932.

Quem quidem Famulum Dei Ioannes Paulus II Pontifex Maximus theo-

logales et cardinales iisque adnexas virtutes in gradu heroico exercuisse de-

claravit die 1 mensis Iulii anno 2000.

Eius autem beatificationi prospiciens, Postulatio Causae sanationem,

quae divinitus, ipso Servo Dei deprecante, patrata ferebatur, huic Congrega-

tioni permisit iudicandam. Quod factum pertinet ad Dominicam Mariotti

quattuor supra sexaginta annorum mulierem, quae die 28 mensis Septembris

anno 1983, ob symptomatologiam tetanicam, quae e respiratoriis perturba-

tionibus, musculorum contractionibus, convulsionibus denique agnosci poterat,

civitatis, quam appellant Amandola, in dicione Asculana, valetudinario

recepta est. Morbo vero ingravescente, mulier in Maceratensis valetudinarii

sedem redanimationis experiendae postridie traducta est, ubi diagnosim de

tetano clinici confirmarunt. Aegrota igitur, utpote quae gravi laboraret an-

helitu, automatariae per fistulam ventilationi subdita est. Status autem,

ictero haemolytico, magna bilirubinhaemia, hyperglychaemia, hyperpyrexia,

tachycardia exorientibus, in dies ultra ingravescebat. Criticus status exstabat