Acta Apostolicae Sedis - Commentarium Officiale390

mensis Iulii) signa cuiusdam occlusionis arteriosae de improviso apparuerunt,

quam celeriter gangraena secuta est primorum trium digitorum dexteri pedis

atque regionis calcanei. De quadam agebatur embolia arteriae tibialis dexte-

rae. Patientis condicio sequenti die 7 Augusti in peius ruit ob praesentiam

cuiusdam emboliae arteriae cerebralis, quae dexteram adtulit hemiplegiam,

vocis amissionem, statum soporiferum patientis atque febrim. Prognosis fuit

valde cauta quoad vitam et quoad valetudinem ita ut condiciones aegrotae

letalem praeviderent exitum. Interea, multae personae divinum coeperunt

invocare auxilium, intercedente Beato Simone de Lipnica. Ipsa infirma, va-

letudinarium ingrediens, libellum precationum ad Beatum Simonem secum

tulit, ad quem fiduciose et instanter decurrebat. Fecit etiam ut Missae apud

eius sepulcrum Cracoviae celebrarentur. Orantes inopinato habuerunt certi-

tudinem se auscultatos fuisse. Condicio infirmae, revera, die 12 mensis Sep-

tembris anno 1943 palam in melius vertit ob gangraenae regressionem dexteri

pedis lacunarumque neurologicarum quae hactenus aderant. Infirma vocem

iterum acquisivit et mobilitatem, atque faventibus condicionibus generalibus

die 17 mensis Decembris anno 1943 ex valetudinario est dimissa.

De sanatione, mira statim considerata, Processus Apostolicus anno 1950

apud Curiam Cracoviensem est instructus, cuius iuridica validitas ab hac

Congregatione per decretum die 7 mensis Novembris anno 2003 est approba-

ta. Consilium Medicorum huius Dicasterii, in sessione die 14 mensis Aprilis

anno 2005 habita, recognovit sanationem celerrimam perfectamque tum lae-

sionum gangraenae dexteri pedis, tum lacunarum neurologicarum, sine amis-

sionibus anatomicis in regionibus morbo thromboembolico affectis et, tan-

dem, ex scientiae legibus inexplicabilem fuisse. Die 21 mensis Februarii anno

2006 Congressus habitus est Peculiaris Consultorum Theologorum. Die 3

sequentis mensis Octobris Ordinaria Sessio habita est Patrum Cardinalium

et Episcoporum, Causae Ponente Em.mo Domino Iuliano Cardinali Herranz.

Et in utroque Coetu, sive Consultorum sive Cardinalium et Episcoporum,

posito dubio an de miraculo divinitus patrato constaret, responsum affirma-

tivum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Beati

Simonis de Lipnica, Sacerdotis professi Ordinis Fratrum Minorum, videlicet

de celerrima ac perfecta sanatione Mariae Piątek a «malattia tromboembolica