BERGOMEN. 81

genuinam putabat, quod extarent acta Martyrii, quae a scriptore saeculi quinti vel sexti repetenda esse arbitrabatur; et omnia haberent historicae veritatis indicia, si nonnulla, ex pietate po- tius adiecta, exciperentur.

His autem positis, atque documentis per summa capita indi- catis quae traditionem et cultum usque ad nostra tempora per severasse significarent, concludebat, non posse eiusmodi traditio- nem aetate nostra destrui per coniecturas carptim expiscatas.

His aliisque copiose eruditeque utrimque deductis, disputatum est in S. Congregatione

Dubium

« An argumenta allata a Patre de Buck probent in casu.» RESOLUTIO. S. Congregatio SS. Rituum, causa discussa in co-

mitiis habitis die 20 Augusti 1870, respondere censuit: Argu- menta allata a Patre De Buck adversus traditionem, quae respicit Sanctos Martyres de quibus agitur, nihil probant.

Facta autem relatione ad SSmum Patrem ; quoniam et alii Cultores ecclesiasticae historiae aut sacrae archeologiae facilitate nimia adversus eiusmodi traditiones historicas conficiendo et di- vinando scribere viderentur, SSmus Pater hac occasione iussit evulgari Decretum quod inferius referam.

Ex QUIBUS COLLIGES:

I. Historicas ecclesiarum traditiones cultum Sanctorum respi- cientes, maxime si aliqua recognitione S. Sedis admissae fuerint, frustra impugnari aut in dubitationem adduci per genéricas con- iecturas ex archeologicis disquisitionibus deductas.

II. Praesumptio enim genuitatis veteris traditionis tam valida iure meritoque existimari debet, ut destructa non censeatur, nisi argumenta afferantur quorum vis declinari non possit.

HI. Immo, legibus logices praelucentibus, neque peremptoria contraria argumenta destruere possent omnem impugnatae tra- ditionis extensionem et amplitudinem; sed tantum destruere, quantum falsum aut corrigendum esse ostenderent.

IV. In huiusmodi enim criticis disquisitionibus eaedem sapien- tes leges valere dicendae sunt, quas in iuridicis disquisitionibus

Acta, tom. VI, fase. LXII. 6