88 ORDINIS SUBDIACONATUS

cario Generali et Defensore ex officio, qui et ipse iuratus examini adfuit prout a Benedictina Constitutione praescribitur, rationesque suas contra nullitatem exposuit.

Nec referre, quod Defensor ordinis interrogatoria non dederit, vel quod Actor examini interfuerit: nihil enim esse in ea Consti- tutione quae primum ita praesciebat ut, interrogationibus defi- cientibus Defensoris ex officio, processus vitietur; cum id ostendat, nihil ipsum habuisse, quod rogationibus ab Actore delatis adiice- ret. Praesentiam deinde Actoris in examine, nunquam nec ullo modo vetitam esse. Parentum examen ideo posthabitum fuisse, quia nullitatis probationes superabundarent. Ad S. Congregatio- nem Concilii tamquam in primo gradu non in gradu appellationis causam traxisse, propterea quod Curia B nunquam sententiam ferre voluisset, eaque de causa ipsum, non Curiam Episcopalem, acta ad S. Congregationem misisse.

Post haec, bipartitam orationem proponens, quoad primum du- bium, in priori capite theologiae quaestionem aggrediens, osten- debat, ex defectu voluntatis neque gratiam consequi Ordinandum, neque characterem in eo imprimi. Atque hoc loco apprime mo- nebat in omnibus voluntatem esse spectandam, et praesertim in nonnullis sacramentis, quorum fundamentum et basis est volun- tas dantis et accipientis, licet gratiam conferant ex opere operato. In sacris ordinibus praeter signum sensibile, idest materiam et formam, Ordinantis Ordinandique intentionem requiri, ut ita gra- tia invisibilis per signum visibile communicetur, D. Thomas Sum- ma part. 3 quaest. 68 art. 3 Concil. Florentin. in Decret. Euge- nii IV ad Armen. Hoc principium confirmari in Decret, lib. 3 tit. 42 cap. 2 de Baptismo in fine ubi legitur: Tunc ergo characte- rem sacramentalis imprimit operatio, cum obicem contrariae volun- tatis non inveniat obsistentem.

Actualem vel saltem virtualem voluntatem ad validitatem sus- cepti ordinis necessariam esse. In themate omnes testium de- positiones in id concurrere, ut actualem et virtualem voluntatem excluderent. Neque his obicem parare iter ab urbe ad urbem per- actum ut ordinem susciperet, quasi ex hoc itinere voluntas aliqua ordinem habendi erumperet. Contrariam namque voluntatem ex- tra dubium ponere, omissionem studiorum Sacrae Theologiae, tentamen ingressus in militiam ut ordinationi se subtraheret,