Congregatio de Causis Sanctorum 927

ACTA CONGREGATIONUM

CONGREGATIO DE CAUSIS SANCTORUM

MARIANOPOLITANA

Beatificationis et Canonizationis Servi Dei Ioannae Mance Christifidelis Laicae Fundatricis Valetudinarii « Hotel-Dieu » in Urbe Marianopolitana (1606-1673)

DECRETUM SUPER VIRTUTIBUS

« Spe gaudentes, in tribulatione patientes, orationes instantes, necessita-

tibus sanctorum communicantes, hospitalitatem sectantes » ( Rm 12, 12-13).

Paulina exhortatio humanam et spiritualem vitam Servae Dei Ioannae

Mance describit, quae singularis fuit laica missionalis, fìdelis Christi et

Ecclesiae, omnino ad Dei regni aedificationem dedita.

Serva Dei die 12 mensis Novembris anno 1606 in Gallico pago Lingo-

narum in Campania, burgensium ordine nata est institutionemque aptam

secundum suam dignitatem habuit. Pater eius regius magistratus erat et

undecim filios filiasque habuerat, quos post praematuram coniugis mortem

ipsa Serva Dei fratres curavit. Ilio tempore bellum dictum triginta annorum

flagrabat et una cum eo terribilis pestilentia comitabatur, iuvenis Ioanna

omnibus suis viribus operam dabat plurimis, omni aetate et gradu, morbo

correptis. Adulta aetate, Ioanna vocationem ad vitam sacris expeditionibus

dicatam, ut iam meditatam in adulescentia, dare percepit. Hac re, anno

1641, eius consobrini sacerdotis consilio adhibito, ut indigenas ad fidem

Christi converteret, statuit se proficisci in Septemtrionalis Americae Novam

Galliam, quae hodie Canada nuncupatur et quae illius temporis docti viri

verbis sic describebatur « regio remota, fera et incommoda » olim enim Galli

primissimos gradus ad colonias instituendas attulerunt. Serva Dei, invitatu

Ieronimi Le Royer de la Dauversière, qui « Sororum de Hospitali de La

Flèche » fundator evaserat, ad oppidum Marianopolim laborioso et periculis

pleno itinere trium mensium trans mare Atlanticum pervenit.