944 Acta Apostolicae Sedis - Commentarium Officiale

Christo in cruce affixo patiretur: vero humana persona etiam morbo gravi

afflicta ad mundum salvandum laborare valet. Dehinc vitam suam propriam

eligendam et non solum sustinendam vountarie optavit.

Sequentibus mensibus et annis, unione cum Christo cracifìxo augente,

etiam varias mysticas gratias peregit, scilicet unamquemque hebdomadam

Passionem Christi experiebat atque stigmata vulnerum Iesu accepit. Insu-

per speciale cum Beata Virgine Maria commercium familiariter retinebat.

Omnibus iis phaenomenis perturbata, feliciter adiuvata est a sacerdotibus

variis et in primis a libris qui eam confortaverunt.

Eodem tempore mens eius largius dilatata, quia Martha, bona fama

ampliante, frequentius visitata est ab hominibus variis qui non solum pie

confidebant in precibus eius sed etiam consilia quaerebant. Serva Dei quidem

mirabile iudicium manifestabat ut prudentia et eximia memoria coadiuvata

tantis hominibus in permultis et impeditis casibus auxiliaretur. Itaque nomen

eius tam in regione v.d. Drôme quam in civitate Lugduni denuo diffundebatur.

Anno 1936 visitata est a Rev.do Canonico Georgio Finet, presbytero

Lugdunensi. Serva Dei nempe eum missum a Deo fuisse subito intellexit

ut, eodem sacerdote auxiliante, fieret opus quod Dominus in mente eius ex

aliquo tempore iniecerat, scilicet fundatio « Domus Caritatis » v. d. Foyers de

Charité. Hoc opus, ab anno 1934, sustentatum est a precibus alumnorum

localis scholae elementaris. Deinde Canonicus Finet, inspiratus et edoctus a

Martha, initiavit in pago Châteauneuf praedicationem exercitiorum spiritua-

lium per sex dies continuos, quae cito properos exitus consequerunt. Plurimi

christifideles laici ad servitium tam scholae quam exercitiorum sponte sua

advenerunt. Sic hoc modo prima « Domus » creata est. Ultimo, in die obitus

Marthae, erant circa quinquaginta Domus per orbem terrarum effusae et

aggregantes circiter sescenti sodales Operis, quod tum ut Institutum erat

valde prosperum propter ingentem numerum conversionum et plurimas vo-

cationes ex eo ortas ad benefìcium totius Ecclesiae.

Martha Robin centrum exstabat totius Operis, sed etiam ad novas Domus

erigendas iudicium multum caute adhibuit. Auctoritas Servae Dei magni

momenti habebatur pro aliquibus sexaginta hominibus utriusque sexus qui,

exercitiis spiritualibus decurrentibus, eam quotidie audiebant. Inter eos enim

saepe inveniebantur multi episcopi et innumeri sacerdotes. Fundatores et

fundatrices institutorum vitae consecratae quae erecta sunt post bellum orbis

terrarum secundum sed etiam postea novarum communitatum institutores