Acta Congregationum 935

aedificavit Cathedrale templum Osornense, a seipso delineatum et die 24

mensis Novembris anno 1977 sollemniter inauguratum.

Altissima eius humilitas et humana spiritualisque aequabilitas, quas

maxime protulit ob rerum mutationes inter status et ob politicas factiones,

quae haud semper democraticos sensus fovebant, ratione quoque habita de

eventibus ecclesialibus ortis post Concilium Vaticanum II et Chiliensem

Ecclesiam iactantibus, peculiares constituerunt sollicitudines Servi Dei. Fir-

miter denuntiavit sive quamlibet restrictionem religiosae libertatis sive mi-

litum violentiam. Operibus potius quam verbis tenuiores et persecutionibus

afflictos defendit. Nullo umquam tempore vivere destitit in intima cum Deo

communione, nec instrumentum cessavit esse caritatis, iuxta illud Seraphici

Patris Francisci: "Ubi est misericordia et discretio, ibi nec superfluitas nec

induratio" (Adm. XXVII).

Vita eius et apostolica actuositas innixae sunt fundamento solidae pie-

tatis, intensae orationis, profundae austeritatis et paupertatis. Franciscali

laetitia acriora quoque adiuncta perferens, Servus Dei concordiam et pacem

inter populos componere scivit.

Perdurante episcopatus munere, non defuerunt eventus memoria digni.

Perluctuosus exstitit terraemotus mense Maio anno 1960, cuius epicentrum

ipsam urbem Osornensem percussit quam plerumque delevit. Tunc ille, vi-

ribus haud parcens et omnimoda deditione praeditus, incubuit ad prima

auxilia incolis praestanda ac deinde ad rursus aedificationem fovendam.

Annis 1962-1965 quattuor periodis Concilii Vaticani II interfuit, ac postea

annis 1967-1968 primam dioecesanam synodum celebravit. Mense Septembri

anno 1979 Romae partes habuit Synodi Episcoporum.

Postquam die 26 mensis Octobris anno 1981 celebraverat XXV anni-

versariam memoriam episcopalis consecrationis, scilicet mense Novembri

eiusdem anni morbo percussus est, quapropter exceptus est prius in valetu-

dinarium principis urbis ac deinde in valetudinarium urbis Pucón. Hinc die

28 mensis Decembris anno 1981 ad christifideles suae dioecesis extremum

misit nuntium. Et die 4 mensis Ianuarii anno 1982 animam Domino serene

tradidit, memoriam authenticae sanctitatis relinquens omnibus qui eum

cognoverant. Die 7 eiusdem mensis Ianuarii exsequiae sollemniter celebra-

tae sunt in Cathedrali templo Osornensi, innumeris adstantibus episcopis,

presbyteris et christifidelibus. Exuviae eius in crypta templi Cathedralis

conditae sunt.