928 Acta Apostolicae Sedis - Commentarium Officiale

In hoc pago, colonia ad quam indigenae Irokesi saepe impetum facie-

bant, Serva Dei ad civitatem fovendam valetudinarium « Hotel-Dieu » dictum

fundavit, in quo suos cives sed etiam indigenas recipiebat et quod ipsa

omnino rexit. Alterum valetudinarium, munifica donatione, tres annos post

constitutum est, Serva Dei enim ter in Galliam regredit ut pecunias collige-

ret et de nobilibus suis fundationibus trans Oceanum civitatum principum

animum commoveret, aliquod beneficium etiam de iuridica dignitate istius

operae desiderans.

Anno 1657, Ioannae gravis casus occurrit. Enim cecidit in terram glacie

constrictam sibi brachium luxans, quod apte curari nequit, hac re, longo

tempore multos terribiles dolores, ne noctu quidem quiescentes, tulit. Rursus

tamen in patriam regressa est, ubi dolenti artui reliquia Domini Jean-Jac-

ques Olier adpropinquata Serva Dei omnino sanata est.

Illa iter in Novam Galliam suscipiens, secum deduxit tres Sorores de

Hospitali. In nave pestis flagravit, tamen Ioanna Mance et Sorores pestilentia

correptae convaluerunt. Istarum cum auxilio Serva Dei suo in valetudinario

medicas curas continue praestare potuit. Ioanna se ad divinam gratiam totis

viribus commisit et fidenti animo Domini voluntatem, ei praecipientem ut

propria vita Evangelii testimonium novis missionibus perhiberet, omnino

secuta est. Difficilibus in condicionibus ob multas res, Serva Dei constans

exemplum provectae fidei et liberalis ministerii in proximum praebuit, ora-

tionis profondissimo spiritu et firmissima spe in operam suam post omne

impedimentum iterando, se fulsit. Eius indefessa industria hoc modo in

vehementissima interiori vita coaluit.

Tota sua mortali existentia Serva Dei assidua in sequela Dei voluntatis

et virtutum heroico in exercitio eminuit. Inter plurimos labores numquam

neglexit orationem et animi intentionem per quos ad profundam communio-

nem cum Domino et ad fidentem commendationem sui Divinae Providentiae

perveniebat. Sui immemor, Ioanna Mance simplici animo omnia ad maiorem

Dei gloriam et ad fratrum aeternam salutem vertebat. Caritas limpida ex

corde manabat et humilitate et suavitate in omnes homines ei occurren-

tes effluebat, infirmi amorem suum et curas maxime alexerunt. Delineatio

sua dare congruebat cum doctrina de genio feminino, quod primas partes

agit etiam rebus in socialibus et quod summus Pontifex Ioannes Paulus II

agnovit et denuntiavit.