Congregatio de Causis Sanctorum 929

Sequentes anni satis placide degerunt et multae operae convenienter

confirmatae sunt. Serva Dei Marianopoli die 18 mensis Iunii anno 1673,

longo morbo, mortua est et in valetudinarii sacello sepulta.

Fama sanctitatis a die 21 mensis Septembris anno 1959 ad diem 20 men-

sis Aprilis anno 1961 iuxta Curiam Marianopolitanam Processus Informati-

vus celebratus est, cuius iuridica validitas ab hac Congregatione de Causis

Sanctorum per decretum diei 15 mensis Octobris anno 1993 est approbata.

Exarata Positione, die 28 mensis Ianuarii anno 1997 habitum est Consilium

Consultorum Historicorum, deinde secundum normas disceptatum est an

Serva Dei heroum in modum virtutes excoluisset. Positivo cum exitu, die

6 mensis Iunii anno 2013 Peculiaris Consultorum Theologorum Congressus

habitus est. Patres Cardinales et Episcopi, die 4 mensis Novembris anno

2014, Ordinaria in Sessione congregati, me Angelo Cardinale Amato prae-

sidente, Servam Dei virtutes theologales, cardinales et adnexas heroicum

in modum exercuisse agnoverunt.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servae Dei Ioannae

Mance Christifìdelis Laicae et Fundatricis Valetudinarii « Hotel-Dieu » in

Urbe Marianopolitana, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 7 mensis Novembris a.D. 2014.

angeluS card. amato, S.D.B. Praefectus

L. G S.

G marCelluS BartoluCCi

Archiep. tit. Mevaniensis, a Secretis