Congregatio de Causis Sanctorum 931

tis magis magisque sufflavua evasit et urinae nimis obscurae factae sunt.

Medici signa calculosae cholecystitis cognoverunt, quae olim tantum per

medicamenta ad vires reficiendas apta curabatur, quia antibiotica nondum

excogitata erant.

Morbi cursus magis ingravescebat et iam de sanatione vel de futura mu-

tatione in melius desperabatur. Hac ancipiti condicione soror, summa fide,

intercessionem Venerabilis Servi Dei Pii Alberti del Corona, ante cuius ima-

ginem pictam genibus nixa ardenter orabat, impetravit. Statim illa percepit

repentinam mutationem in melius valetudinis suae, vires, salutis colorem,

necnon naturales corporis functiones omnino recuperavit. Medicae investi-

gationes, quae confestim habitae sunt, una cum iteratis indagationibus fere

viginti annos post perfectam sanationem confirmaverunt.

Evidens est concursus temporis et consequentia inter Servi Dei invoca-

tionem et sanationem sororis, quae deinceps naturali socialique vita pollens

sana fuit.

De hac sanatione, mira aestimata, iuxta Curiam Liburnensem a die 5

mensis Decembris anno 1942 ad diem 11 mensis Iunii anno 1957 Processus

Ordinarius celebratus est, cuius iuridica validitas ab hac Congregatione

de Causis Sanctorum per Decretum diei 24 mensis Februarii anno 2007

est approbata. Medicorum Consilium huius Dicasteri in sessione diei 28

mensis Novembris anno 2013 declaravit sanationem celerem, perfectam,

constantem et ex scientiae legibus inexplicabilem fuisse. Die 29 mensis

Aprilis anno 2014, positivo cum exitu, Congressus Peculiaris Consultorum

Theologorum auctus est. Die 16 mensis Septembris anno 2014 Ordinaria

in Sessione Patres Cardinales et Episcopi se congregaverunt, me Angelo

Cardinale Amato praesidente. Et in utroque Coetu, sive Consultorum sive

Cardinalium et Episcoporum, posito dubio an de miraculo divinitus patrato

constaret, responsum affirmativum prolatum est.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Ven.

Servi Dei Pii Alberti del Corona ex Ordine Fratrum Praedicatorum, Episco-

pi Sancti Miniati et Fundatoris Congregationis Sororum Dominicanarum a

Santo Spiritu, videlicet de celeri, perfecta ac constanti sanatione cuinsdam

sororis a "patologia colestatica delle vie biliari complicata da sepsi".