Acta Congregationum 933

OSORNENSIS

Beatificationis et Canonizationis Servi Dei Francisci Maximiani Valdés Suber- caseaux ex Ordine Fratrum Minorum Capuccinorum primi Episcopi Osornensis

(1908-1982)

DECRETUM SUPER VIRTUTIBUS

« Domine, tu omnia scis, tu cognoscis quia amo te » ( Io 21, 17).

Effatum Petrinum, quod legimus in Evangelio secundum Ioannem, a

Dei Servo Francisco Maximiano Valdés Subercaseaux uti episcopalem sen-

tentiolam selectum est. In quo patenter ostenditur omnimoda eius deditio

in Deum, qui est "Deus meus et omnia", deditio nempe quam Servus Dei,

electus ad munus primi Episcopi dioecesis Osornensis in Chilia, apud scho-

lam Pauperculi Asisiensis discere potuit.

Servus Dei Iacobopoli, in paroecia sancti Michaelis, e parentibus Horatio

Valdés Ortuzar et Blanca Subercaseaux Errázuriz die 23 mensis Septembris

anno 1908 ortum habuit, ac sequenti die baptismali lavacro est ablutus, cui

inditum est nomen Maximiani. Nondum biennium aetatis explens, gravi intes-

tinali morbo affectus est, ex quo per hydrotherapicam curam liberatus est a

missionario capuccino Patre Thaddaeo a Wisent, sodali Provinciae Bavaricae,

cuius fratres inde ab anno 1895 in Araucania missionale opus exercebant.

Humana et christiana institutionis rudimenta didicit in familiari ambitu ac

praesertim a matre sua, fide et operibus praeclara. Ulterius Iacobopoli fre-

quentavit prius Collegium Patrum Sacrorum Cordium "Picpus" ac postea

Institutum Societatis Iesu. Et per singularem pontificiam concessionem die

4 mensis Aprilis anno 1913 ad primum accessit convivium eucharisticum.

Septemdecim iam aetatis agens annos commorabatur in meridionali

parte nationis, prope montuosam catenam regionis v. Nahuelbuta, ubi qui-

busdam interfuit missionibus apud indigenas appellatos Mapuches, quorum

statum desertionis et paupertatis scire valuit. Paulo post simul cum paren-

tibus Romam iter arripuit, ubi eius avus paternus apud Apostolicam Sedem

munere Legati liberis cum mandatis fungebatur. Hac quidem periodo consi-

lium cepit sacerdotalem statum amplectendi, ingrediens Collegium Pio-Lati-

no-Americanum et frequentans facultatem philosophiae apud Gregorianam

Studiorum Universitatem, obtinens tandem doctoris titulum die 10 mensis