934 Acta Apostolicae Sedis - Commentarium Officiale

Iulii anno 1929. Romana eius commoratio incidit in celebrationem VII sae-

culi ab obitu sancti Francisci Asisiensis (1926-1927) et in beatificationem

Francisci Mariae a Camporubeo, die 30 mensis Iunii anno 1929. Illo ver-

sans in contextu Servus Dei percursum iniit discretionis ad Dei voluntatem

scrutandam. Quodam die notitia est illi aleata incendii domus Ordinis in

Valdivia, in Chilia, ubi perierunt duo fratres capuccini noti Servo Dei: qui

eventus ansam dedit illi ad viam sequendam versus Ordinem Fratrum Mi-

norum Capuccinorum, quorum quidem primus exstitit capuccinus frater in

Chilia natus. Anno 1930 novitiatum ingressus est situm in urbe Laufen ex

Provincia Bavarica, nomen sumens Francisci a Sancto Michaele; deinde die

27 mensis Ianuarii anno 1931 religiosa vota nuncupavit, et inde frequentare

coepit cursus Theologiae apud Studiorum Universitatem Eystettensem. Atta-

men linguae diffìcultatis causa, studia theologica Venetiis prosecutus est, ubi

die 17 mensis Martii anno 1934 sacro presbyteratus ordine est insignitus.

Die 3 mensis Ianuarii anno 1935 in Chiliam reversus est, destinatus ad

pastorale ministerium in Vicariatu Araucaniae exercendum. Alacri animo

diversa implevit munera, quae inter munus formatoris et magistri Philo-

sophiae in Seminario Sancti Ioseph a Mariquina. Anno 1939 missus est in

stationem missionalem urbis Boroa, et anno 1943 nominatus est parochus

et missionarius in urbe Pucón. Hinc saepe se conferre consueverat apud

Mapuches, pro quibus fecundum explicavit apostolatum. Inter annos 1947

et 1948 in Europam iter fecit ut missionarios quaereret pro his gentibus.

Tempore commorationis in urbe Pucón, vigorem induxit innumeris ope-

ribus, qualia sunt Valetudinarium Sancti Francisci, Monasterium monialium

capuccinarum Sanctae Clarae dicatum, templa et cappellae. Praesertim vires

insumpsit ad ingentem statuam erigendam in honorem Christi in loco Autu-

mala, sitam in ingresso ad urbem Pucón; et aliam in honorem Christi dicti

del Tromen magnam quoque, in confinio loci Mamuil Mala inter Chiliam

et Argentinam, instar pignoris et memoriae pacis inter has duas nationes

tunc ob limitum causas penitus discordes.

Mense Novembri anno 1955 Summus Pontifex Pius XII Osornensem erexit

dioecesim ac die 20 mensis Iunii anno 1956 eidem Servum Dei praeposuit

ut eam regeret. Die 16 mensis Septembris eiusdem anni Iacobopoli episco-

pus consecratus est. Et inde ab hoc instanti usque ad extremum suae vitae

omnes suas vires et alacritatem impendit ad ministerium implendum. Quo in

munere, praeter creationes paroeciarum, scholarum et operum assistentiae,