CONRADUS GEMMCENSIS, ALBERTUS PRAGENSIS, UDALRICIIS WESSOFONTANUS.
6. Convivium dulcissimae Virginis Mariae.
7. Gaudia beatae virginis Mariae.
10. Oratio super Salve regina.
11. Oratio super Ave maris stella.
13. De novem ordinibus angelorum.
15. De sancto Johanne Baptista.
16. De sanctis Petro et Paulo.
21. De sancto Johanne evangelista.
25. De sancto Matthaeo evangelista.
27. De sancto Matthia apostolo.
29. De sancto Luca evangelista.
37. De sancto Thoma Cantuariensi.
41. De sancto Mauritio et sociis ejus.
43. De sanctis Johanne et Paulo.
44. De sancto Achatio et sociis ejus.
53. De sancto Paulo, primo eremita.
69. De sancta Maria Magdalena.
1. De sancto Johanne Baptista.
4. De sancto Johanne evangelista.
5. De B. M. V. et S. Johanne ev.
9. De decem millibus Martyrum.
30. De sancta Maria Magdalena.
III. Udalriciis Wessofontanus.
13. De sancto Johanne baptista.
17. Ad sanctum Jacobum majorem.
18. Ad sanctum Joannem evangelistam.
1. Ave omni laude plena,
O beata Magdalena,
Maria quae diceris,
Tu virtutum claritate
Praeluces et caritate
Referta conniteris.
2. Luces vero ut electum
Sidus nubis cum detectum
Fuerit umbramine;
Nube eras tu gravata
Peccatorum sed nudata
Sancto a spiramine.
8, Unde fulges velut sidus,
Nam amicus tuus fidus
Solvit nubem scelerum
Tuorum, cum liquefecit
Cor tuum et sic refecit
Largitate munerum.
4. Te, cor tuum resolvendo,
Lacrimas ut effundendo
Mox rigores Domini
Pedes atque extergendo
Crinibus et osculando
Ut Deo et homini.
5. Haec, beata, tu fecisti
Convivas nec timuisti
Simonis In aedibus,
Ubi jacens audivisti
Lacrimando vocem Christi
Provoluta pedibus,
6. Te aperte excusantem
A peccatis et mundantem
Dicens: Vade mulier
In pace. Hoc age mecum,
Ut post Istam vitam tecum
In futuro glorier.
7. Excusavit te felicem,
Pharisaeus peccatricem
Cum te judicaverat,
Apud Martham excusavit,
Apud hunc qui Invitavit,
Quem[que] Increpaverat,
8. Pedes ejus ut lavando,
Osculando et uuguendo
Se non honoraverat;
Quae fecisti, sponsa Christi,
Dum ad pedes elisisti,
Ob hoc te mundaverat,
9. Extra, Intus et In corde
Mundans te ab omni sorde ;
Post hoc ejus gressibus
Insecuta es constanter,
Audiens verbum ardenter
Coram ejus pedibus.
10. Sic me verbum fac audire
Ejus atque custodire,
Ut munder a vitiis,
A me male perpetratis,
Ut tandem jungar beatis
In coeli deliciis.
11. Quod te vere adamavit
Christus, In hoc demonstravit,
Quando super tumulum
Fratris spiritu fremebat,
Dehinc atque tecum flebat
Excitando Lazarum.
12. Rogo, me quatriduanum
In peccatis atque vanum
Tua prece suscita,
Et a culpis suscitatum,
Pia, tu me fac beatum
Et ad bona incita.
13. Hujus vero tu dilecti
Oculis tamquam despecti
Vidisti quam pertulit,
Stans sub cruce, diram mortem,.
Passionem atque fortem,
Qua nos culpis diluit.
14. Sabbati sepultum prima
Adisque ferens aroma,
Quaerens nec reperiens
Corpus pertransfixum dire,
Volens Illud perlinire,
Gemens sed non abiens.
15. Angelus In alba veste
Tibi, mulieri maestae,
Dixit, Illum vivere,
Et ut Petrum visitares
Atque Illi nuntiares,
Hunc si vellet cernere,
16. Ut In Gallilaeam Iret,
Nam Illuc Christus transiret
Resurgens e tumulo.
Veni, Inquit, cerne bustum
Vacuum, non esse Christum
Hic, hoc narra populo.
17. Per virtutem sed ardoris
Atque vim tui amoris
Facta sic gratuita,
Ut a morte hunc revictum
Post certamen et conflictum
Prima es Intuita,
18. Jesum Christum, nostrum du-
cem,
Mundi hujus veram lucem,
Aestimans horticolam,
Qui a vitiis mundatam
Praeelegit te beatam
Sibi In apostolam.
19. Cujus nutu tu per mare
Cum sorore navigare
Cepisti Marsiliam,
Maximino et beato,
Lazaro et caeco nato,
Deserentes patriam ;
20. Ubi Christum praedicasti,
Multos et illuminasti,
Laeta loquens facie,
Ac conversos baptizasti,
Ipsos Christo adunasti,
Ejus reddens gratiae.
21. Duci natum Impetrasti
Regi, nam resuscitasti,
Qui cum hoc Infantulo
Abiit pergens per mare,
Sanctum Petrum visitare
Maris In periculo.
22.O beata Magdalena,
Gratiarum vere plena,
Me In maris fluctibus
Hujus mundi jam natantem,
Intime te postulantem,
Erue ex omnibus.
23. Vastum, sancta, divinum quaeris
Locum, vitam ubi geris
Artam poenitentium,
Annis Ibi manens casta
Ter denis, a Christo pasta,
Speculum labentium ;
24. Qui te pavit victu caeli
Et audisti neuma meli
Septem vero vicibus
Diei et praelaetaris,
Cum angelicis levaris
Super coelos manibus.
25. Per eosdem reportaxis
Ac deserti collocans
Antri, pia, rupibus,
Ubi tota contemplaris
Die et sic non cibaris
Escis corporalibus
26. Ad superna elevare
Meam mentem, refutare
Ut queat terrestia
Atque semper contemplare
Et ardenter anhelare
Valeat coelestia.
27. Gratia quendam replevit
Sacerdotem, quod decrevit
Vita solitaria
Vivere, vastum Intravit
Locum et cellam locavit
Duodecim stadia
28. A tua et habitavit
Ibi, cui Christus donavit,
Ut videret oculis
Angelos, qui sublimabant
Te sanctam et reportabant
Horis septem singulis.
29. Visum volens experiri,
Sed nequivit accersiri
Pedum prae gravamine,
Alta voce qui clamavit,
Ter clamando conjuravit,
Jesu Christi nomine:
30. Creatura tu sis qualis,
Vel si sis orominalis,
Mihi ut edisseras.
Christi nomen cum audisti,
Respondendo tu dixisti
Si Ais, quod desideras,
31. Experire veritatem,
Accede medietatem
Stadii, qui protinus
Verbo tuo confortatus
Et In plantis solidatus,
Et accessit propius.
32. Cui blande tu dixisti,
Meministi; quod legisti
Lucae evangelio
Peccatrice de formosa,
Magdalena criminosa,
Quae et Dei filio
33. Osculando et ungendo
Lacrimando, extergendo
Jacens pedes abluit.
Cujus ob hoc Ipse statum
Mutans patri fecit gratum,
Cum reatum diluit?
34. Memini, Inquam, triginta
Anni sunt, ut facta Ista,
Ut patet Christicolis,
Ista sum, quam elevatam
Vidisti et reportatam
Nuntiis coelicolis,
35. Sic ter denis elevata
Annis sum et recreata
Septenis et vicibus
Diei praedulci cantu
Angelorum et concentu,
Quam audivi auribus.
36. Migratura est relatum
Mihi, quod sum, hinc beatum
Maximinum adeas,
Quae audisti et vidisti
Illi nutu Jesu Christi
Intimare studeas,
37. Ut meae resolutionis
Die et his Ipsis horis
Ut consuevit surgere,
Et In loco, quo orare,
Me Inveniet tunc stare
Atque boras dicere.
38. Angeli ut audiebat
Vocem, verbis et credebat,
Sed videbat neminem,
Concitus qui properavit,
Maximino et narravit
Omnia per ordinem.
39. Gaudio qui mox repletus
Nimio est, solus laetus
Ivit oratorium,
Te a terris elevatam
Vidit, angelis vallatam,
Et ut solis radium
40. Tuum vultum emicantem
Dominumque deprecantem
Elevatis manibus:
Tua facies flagrabat
Atque tota rutilabat
Miris et obtutibus.
41. Qui percussus est timore,
Quem vocasti cum amore,
Dicens, ad me propius,
Pater sancte, huc accedas,
Tuam natam nec formidas ;
Qui accessit protinus.
42. Totum clerum convocavit
Et te solus procuravit
Corpore et sanguine
Domini tunc Jesu Christi,
Lacrimarum suscipisti
Quem cum multitudine.
43. Actis his mox corruisti
Ad terram et tradidisti
Christo sanctam animam,
Qui de terra te levavit,
Super coelos exaltavit,
Gloriam dans maximam,
44. Ubi cum regina caeli
Tuo sponso et fideli,
Christo, gaudes dulciter,
Cujus vultum contemplaris
Delicatum et laetaris
Cum Christo perenniter.
45. O Maria Magdalena,
Audi vota, laude plena,
Carmen hoc exignum
A me suscipe gratanter,
Et tuere me constanter
Corpus atque vacuum
46, Meum omni bonitate
Dei reple caritate
Sanctis et virtutibus ;
Quibus valeam ornare
Vitam meam et regnare
Tecum In coelestibus.
47. Virtus flaminis abducat
Me divini et reducat
Coeli ad palatia,
Magdalena, grata Deo,
Ista mihi, nimis reo,
Praestet tua gratia.