CONRADUS GEMMCENSIS, ALBERTUS PRAGENSIS, UDALRICIIS WESSOFONTANUS.
6. Convivium dulcissimae Virginis Mariae.
7. Gaudia beatae virginis Mariae.
10. Oratio super Salve regina.
11. Oratio super Ave maris stella.
13. De novem ordinibus angelorum.
15. De sancto Johanne Baptista.
16. De sanctis Petro et Paulo.
21. De sancto Johanne evangelista.
25. De sancto Matthaeo evangelista.
27. De sancto Matthia apostolo.
29. De sancto Luca evangelista.
37. De sancto Thoma Cantuariensi.
41. De sancto Mauritio et sociis ejus.
43. De sanctis Johanne et Paulo.
44. De sancto Achatio et sociis ejus.
53. De sancto Paulo, primo eremita.
69. De sancta Maria Magdalena.
1. De sancto Johanne Baptista.
4. De sancto Johanne evangelista.
5. De B. M. V. et S. Johanne ev.
9. De decem millibus Martyrum.
30. De sancta Maria Magdalena.
III. Udalriciis Wessofontanus.
13. De sancto Johanne baptista.
17. Ad sanctum Jacobum majorem.
18. Ad sanctum Joannem evangelistam.
1. Salve, gemma claritatis,
31irae nempe bonitatis,
Corpore pulcherrima,
Virgo felix et beata.
Deo eras quippe grata,
Agatha tenerrima.
2, Quintianus concupivit
Tuam formam, sed sitivit
Tuas et divitias
Tamquam luxus et avarus
Et ad Ista nimis gnarus
Suas per malitias.
3. Ad se duci qui te fecit
Inter multa haec adjecit:
Diis libare concitus.
Cujus deos respuisti,
Ipsum vero et sprevisti,
Edocta divinitus.
4. Qui te dedit meretrici
Cordis vero Impudici,
Quae et Euphradisia
Dicta est, ut Immutaret
Cor tuum et incitaret,
Ut ejus amasia
5. Fieres, et promittendo
Laeta, aspera terrendo,
Ut te sic perverteret.
Cui cum eras allata
Eam mox sic es affata,
Postquam haec dcsineret:
6. Mea mens est solidata
Atque In Christo fundata,
Ex hoc multum stabilis,
Verba tua velut ventum
Curo, firmum fundamentum
Meum; sum Immobilis.
7. Meam nimis vacillantem
Firma mentem sed amantem,
Virgo benignissima,
Te, ne cadat In peccatum
Et relinquat tutum statum,
Mea amantissima.
8. Laena dixit Quintiano:
Verbo laboravi vano,
Virgo est Immobilis,
Potius possent liquari
Lapides quam Immutari
Pectus hujus nobilis
9. Virginis a fide Christi.
Qui et mox te jussit sisti
Suo tunc praetorio
Et te deos adorare
Suos, tuum profanare,
Suo oratorio.
10. Cui dicens respondisti:
Dii tui, tu sis ut Isti
Et ut deus Juppiter.
Exstat dea Venus qualis,
Tua nempe sit et talis
Delicata mulier.
11. Qui: Diis sic odiosa
Nostris, superstitiosa
Verba loqui desine,
Alioquin suspenderis
Equuleo et punieris
Tu pro Christi nomine.
12. Si poenas, Inquis, minaris,
Et me punis, ut tu faris,
Hae mansuescunt protinus,
Corpus si non conculcetur
Fortiter et attrectetur
Hic a carnificibus,
13. Non Intrabo paradisum,
Unde tibi quod nunc visum
Fuerit, mox compleas ;
Angeli qui ministrabunt
Adsunt atque mitigabunt
Ignem, si adhibeas,
14. Agatha o gloriosa,
Da ut mea maculosa
Caro hic fideliter
Emundetur a peccatis,
Paradisum cum beatis
Possideam feliciter.
15. Tunc Iratus Quintianus,
Ira furens ut Insanus,
Jussit diutissime
Contorqueri tuas mammas
Dehinc et abscindi ambas:
O vir Impiissime,
16. Non confusus es, dixisti,
Amputare, quod suxisti
Solus tu In femina.
Me habere mammas gratas,
Integras, scias, sacratas
Domino In anima.
17. Qui In carcerem mandavit
Poni te, ubi sanavit
Sanctus mox apostolus
Petrus verbo Jesu Christi,
Quintianus jubet sisti
Suis te tunc sedibus.
18. Agatha, adhue adora,
Dicens, deam et Implora,
Ut vites supplicia.
Tua dea est profana,
Verba tua quippe vana,
Ventum maculantia;
19. Christum volo adorare.
Praeses: noli nominare,
Dixit, tibi consulo,
Tu hunc. Corde adorabo,
Me vivente nuntiabo
Ipsum omni populo.
20. Nunc videbis, si curabit
Christus atque liberabit
Te de meis manibus.
Qui mox jussit spargi testas,
In partes minutas fractas,
Misceri carbonibus
21. Ignitis et te nudari,
Desuper et volutari,
Ut te sic perimeret.
Terra Ibi contremebat
Per quod murus mox cadebat
Sic, ut pars opprimeret
22. Muri duos Quintiani
Viros vani et profani
Tunc consiliarios.
Ad quem populus currebat
Conclamando et dicebat
Haec propter nefarios
23. Tuos actus, Quintiane,
Quos exerces, vir Inane,
In hac sancta virgine,
Patimur. Qui te deponi
Et In carcerem reponi
Custodum munimine
24. Jussit, ubi mox orasti:
Jesu, dicens, qui creasti
Me et ab infantia
Corpus meum custodisti,
Vincere et me fecisti
Summa patientia.
25. Accipe spiritum meum,
Deducendo peduc eum
Per miram [potentiam]
Tuam, qui tu consolaris
Tuos atque coronaris,
Ad aeternam gloriam.
26. Spiritumque tradidisti
Illico et suscepisti
Sertum tunc virgineum,
Et cum sponso subintrasti,
Christo, quem hic adamasti
Coelum mox aethereum.
27. Eja virgo gratiosa,
Virtutumque gloriosa
Signis, sancta Agatha,
Fac me tecum conregnare
In aevum atque pausare
In aeterna sabbata.