CONRADUS GEMMCENSIS, ALBERTUS PRAGENSIS, UDALRICIIS WESSOFONTANUS.
6. Convivium dulcissimae Virginis Mariae.
7. Gaudia beatae virginis Mariae.
10. Oratio super Salve regina.
11. Oratio super Ave maris stella.
13. De novem ordinibus angelorum.
15. De sancto Johanne Baptista.
16. De sanctis Petro et Paulo.
21. De sancto Johanne evangelista.
25. De sancto Matthaeo evangelista.
27. De sancto Matthia apostolo.
29. De sancto Luca evangelista.
37. De sancto Thoma Cantuariensi.
41. De sancto Mauritio et sociis ejus.
43. De sanctis Johanne et Paulo.
44. De sancto Achatio et sociis ejus.
53. De sancto Paulo, primo eremita.
69. De sancta Maria Magdalena.
1. De sancto Johanne Baptista.
4. De sancto Johanne evangelista.
5. De B. M. V. et S. Johanne ev.
9. De decem millibus Martyrum.
30. De sancta Maria Magdalena.
III. Udalriciis Wessofontanus.
13. De sancto Johanne baptista.
17. Ad sanctum Jacobum majorem.
18. Ad sanctum Joannem evangelistam.
1. Salve, Johannes, hodie,
Quem rex perennis gloriae
Prae ceteris respexit,
Johannes, Dei gratia
Per orbis terrae spatia
Te major non surrexit.
2. Nam Gabriel, qui Domini
Conceptum sacram virgini
Denuntiat Mariae,
Hic templi In oraculo
Foris astante populo
Promisit Zachariae.
3. Licet aetate debili,
Elisabeth ex sterili
Te fore nasciturum.
Nomen, vivendi studium.
Officii praeconium,
Te magnum fert futurum,
4. Replendum sancto spiritu
Adhuc In ventris ambitu
Sine culpae sequela ;
Sed Zacharias tremulus,
Verbis ejus Incredulus,
Privatur mox loquela.
5. Inclusus ventris gremio
Tu exsultabas gaudio
Ad vocem salutantis
Mariae, cum auriculae
Insonuit aniculae
Elisabeth pregnantis.
6. Occurrere tripudio
Tu gestis Dei filio
In virgine latente,
Subtrahitur moestitia,
Quam pluribus laetitia
Confertur te nascente.
7. Dum tua circumciditur
Caro, a patre scribitur:
Johannes nominatur,
Vox Illi statim redditur,
Qua Deus benedicitur,
Plebs omnis admiratur.
8. Tu In desertis latitas,
Puer seorsim habitas
Virtutis ob augmentum,
Locustae, mella epulum,
Fluenta praestant poculum,
Cameli tegumentum.
9. Diversis dissimilia
Salutis dans consilia
Viam Christo parabas,
Baptisma das notitiae
Christi, sed poenitentiae
Baptismum praedicahas.
10. Cum In Jordanis flumine
Deus natus ex virgine
A te baptizabatur,
Voce pater Ingenitus
Et In columba spixitus
Tibi revelabatur,
11. Agnum Dei exsistere,
Peccata mundi tollere,
Jesum tu Indicabas,
Ei ob excellentiam
Te solvere corrigiam
Indignum judicabas.
12. Et cum Herodis Impias
Redarguebas nuptias,
Scelus detestabaris,
Ob hoc conclusus carcere
Pro saltatricis munere
Tu capite truncaris.
13. Amice sponsi, judicis
Praeco, Helia vindicis
In fine judicantis,
Me Christi amicitiae
Concilia, sententiae
Ne tradar vindicantis.
14. Vox In deserto legeris,
Plus quam propheta diceris,
Tu luminis lucerna,
Vox tua Christo praeparet
Gor meum, ut me reparet
Sua luce superna.
15. Virgo candore niveus,
Martyr cruore roseus,
Praecelsus eremita,
Baptista tu eximius,
Me ablue perfectius
In hac mortali vita.
16. Homo missus a Domino
In vitae mihi termino
Adsis, athleta bone,
O angele, ad gaudia
Deduc me tunc coelestia,
Johannes mi patrone.