CONRADUS GEMMCENSIS, ALBERTUS PRAGENSIS, UDALRICIIS WESSOFONTANUS.
6. Convivium dulcissimae Virginis Mariae.
7. Gaudia beatae virginis Mariae.
10. Oratio super Salve regina.
11. Oratio super Ave maris stella.
13. De novem ordinibus angelorum.
15. De sancto Johanne Baptista.
16. De sanctis Petro et Paulo.
21. De sancto Johanne evangelista.
25. De sancto Matthaeo evangelista.
27. De sancto Matthia apostolo.
29. De sancto Luca evangelista.
37. De sancto Thoma Cantuariensi.
41. De sancto Mauritio et sociis ejus.
43. De sanctis Johanne et Paulo.
44. De sancto Achatio et sociis ejus.
53. De sancto Paulo, primo eremita.
69. De sancta Maria Magdalena.
1. De sancto Johanne Baptista.
4. De sancto Johanne evangelista.
5. De B. M. V. et S. Johanne ev.
9. De decem millibus Martyrum.
30. De sancta Maria Magdalena.
III. Udalriciis Wessofontanus.
13. De sancto Johanne baptista.
17. Ad sanctum Jacobum majorem.
18. Ad sanctum Joannem evangelistam.
1. Aeterne pontifex
Et pastor benedicte,
Tu virtutum opifex,
Pater Hermolae,
2. Qui decem milia militum
Ad solium vocasti
Regis regum omnium
Et pie sublimasti;
3. Qui In mundo nobilem
Vitam tenuere,
Adriani furiam
Nihil timuere.
4. O electi milites,
Large me replete
De alto virtutibus
Semper et tuete.
5. Deos cum compulsi sunt
Vanos adorare,
Deum vivum Invocant,
Vanos profanare
6. Ceperunt unanimiter,
Dicere et quare,
Ac cunctis adstantibus
Palam propalare:
7. Quia vani, surdi sunt
Atque vere muti,
Fallaces In effectu sunt,
Mendaces, non tuti.
8. Quos, o Christe, spernere
Fac me, praeamande,
Horum amicitiam
In hoc mihi pande.
9. O vernantes rosulae
Delicatae coeli,
Charitatis aemuli
Divinique zeli,
10. Sequentes Dei filium
Corde cum fideli,
Mariae piae unicum,
Creatorem coeli,
11. Rogate pro me dominum
Pie et constanter,
Ut det sequi dulciter
Me se nunc et semper.
12. Vos estis generatio
Veri Salomonis,
Salutem a Domino
Quae coeli capit thronis.
13. Hanc et mihi misero
Nunc conferte mite
Et meis In omnibus
Inediis subvenite.
14. Propter hoc martyrium,
Quod vos estis passi
Propter Dei filium,
Nec estis facti lassi ;
15. Nam omne martyrium,
Quod pro nobis passus
Jesus est sanctissimus,
Pendens cruce lassus,
16. Propter Ipsum libere
Passi vos fuistis,
Dum deos vanos maxime
Colere sprevistis.
17.O vos sancti milites,
Me Christum adorare
Edocete firmiter
Et hunc adamare
18. Omnibus virtutibus
In hoc vili mundo,
Qui semper sitit varia
Nec dicit: abundo.
19. Hi, o Christe, milites
Pro te passi dura
Multaque supplicia,
Nec eorum pura
20. Corda tunc mutata sunt
Ad Adriani thura,
Ut aeternam sumerent
Vitam In futura.
21. Fac me, Christe Domine,
Servem jura legis,
Tuam erucem tollere,
Ut moriar cum eis,
22. Qui proni tecum vivere,
Mori voluerunt,
Passioni singuli
Crucis se dederunt.
23. Passionis tempore
Quorum innovasti,
Mortis tuae tempore
Signa quae patrasti.
24. Terra tunc commota est,
Scissae sunt et petrae,
Sepulchra aperta sunt,
Tenebrae factae tetrae.
25. Sol, quod obscuratus est,
Ut In hora Christi,
Quam pro hujus passus est
Gente saecli tristi.
26. Innova cor rigidum
Horum ob amorem
Meum et tu coelicum
Nunc Infunde rorem,
27. Ut liquescat Illico
Ejus In adventu,
Laudes promat sedulo
Fideli cum conventu.
28. Cum hi sancti martyres
Sanguinem fuderunt,
Una voce pariter
Omnes clamaverunt:
29. Exaudi nos, Domine,
In hac nostra prece,
Munda nostros aemulos
A peccati faece
30. Ac a subitanea
Et Improvisa morte
Atque dira rabie
Custodi, Deus, forte.
31. Et qui diem celebrant
Nostrae passionis,
Corpus quoque macerant,
Da In coeli thronis,
32. Patrem tuum cernere,
Te cum patre semper,
Et cum sanctis psallere
Laudes sic constanter.
33. Fac me, Christe Domine,
Laudes decantare,
Tibi In his reddere
Grates et amare,
34. Ut per Ipsos valeam
Tecum agnizare [sic],
Inceptio te fervido
Corde advocare.
35. Et da praecognoscere
Diem me extremum,
Et hi ad me veniant,
Ut sic vitem poenam.
36. Sancti Isti milites
Meam sumant animam
Et eam custodiant
Ducendo ad patriam,
37. Ubi te tunc cernere
Possim cum militibus
Istis sanctis, Domine,
Semper In coelestibus