CONRADUS GEMMCENSIS, ALBERTUS PRAGENSIS, UDALRICIIS WESSOFONTANUS.
6. Convivium dulcissimae Virginis Mariae.
7. Gaudia beatae virginis Mariae.
10. Oratio super Salve regina.
11. Oratio super Ave maris stella.
13. De novem ordinibus angelorum.
15. De sancto Johanne Baptista.
16. De sanctis Petro et Paulo.
21. De sancto Johanne evangelista.
25. De sancto Matthaeo evangelista.
27. De sancto Matthia apostolo.
29. De sancto Luca evangelista.
37. De sancto Thoma Cantuariensi.
41. De sancto Mauritio et sociis ejus.
43. De sanctis Johanne et Paulo.
44. De sancto Achatio et sociis ejus.
53. De sancto Paulo, primo eremita.
69. De sancta Maria Magdalena.
1. De sancto Johanne Baptista.
4. De sancto Johanne evangelista.
5. De B. M. V. et S. Johanne ev.
9. De decem millibus Martyrum.
30. De sancta Maria Magdalena.
III. Udalriciis Wessofontanus.
13. De sancto Johanne baptista.
17. Ad sanctum Jacobum majorem.
18. Ad sanctum Joannem evangelistam.
1. Salve decus Silesiae
Perenneque, Trebniciae
Nobilis colona,
Hedwigis, mater gratiae,
Coelestis facta patriae
Civis et patrona.
Gratia coelesti dita
Vili memet In hac vita,
Pneumatis virtutibus,
Ut te possit adamare,
Teque semper et laudare
Exsultans meus spiritus.
2. Mundi quaeque tu calcasti
Propter Christum, quem amasti
Praeponens divitiis,
Ut esses mater pauperum
Formam subisti humilium
Spretisque deliciis ;
Quas ut spernam fac, beata,
Regis coeli pia nata,
Et hoc vile saeculum,
Quod heu multos condemnavit,
Quos et Christus liberavit
Crucis per patibulum.
8. A lege thori libera
Egisti bona opera
Cordis cum consensu,
Dictis Christi attendebas,
Plures missas audiebas
Cordis In ascensu;
Fac me Christum auscultare,
Dictis suis et amare
Corde, ore, opere;
Ejus amor praestat vitam
Coelibem ac redimitam,
Ferventem omni tempore.
4. Tu In corde, generosa,
Mortis Christi pretiosa
Stigmata portasti,
Nunquam eras otiosa,
Semper quippe studiosa
Legisti vel orasti.
Mihi praebe hanc virtutem,
Per quam merear salutem
Corporis et animae,
Ut et feram Christi signa
Mente fida atque digna
Pio medicamine.
5. Tu omnibus spectabilis,
Corde mitis, humilis,
Omni virtutum genere
Et omnibus amabilis,
Ad bonum eras habilis
Et praeventa munere
Dei. Me fac humilem
Ac Deo amabilem
Tuis sanctis precibus,
Inardescat ut cor meum
Ad amandum Ipsum Deum,
Imple hoc virtutibus.
6. Consurgens nocte media
Orationum studia
Deo Impendisti,
Intransque domicilia,
Infirmis dans auxilia
Potum tribuisti.
Infirmo mihi famulo
Tuo In hoc saeculo
Potum ministrare
Virtutum, per quem animam
Recreare valeam,
Semper tu dignare.
7. Tu nivis In algoribus
Nudis pergens gressibus
Christum sic sequendo,
Leprosis et debilibus
Ac Infirmis omnibus
Subsidium donando.
Quod tu mihi conferas,
O pium largitatis vas,
Egeno te petenti.
Quod nunquam denegaveras,
Huic, a quo amaveras [sic],
Da mihi te amanti.
8. Perainbul[ab]as sedula
Conspiceres ut aemula
Cellas dominarum,
Quod servires Inclyta
Humilis et famula
Defectibus earum.
Mihi quod tu servias,
Rogo, nec abjicias
Preces has profundas,
Cordis mei sed dignare,
Cellam, sancta, visitare
Virtutes et Infundas.
9. Hedwigis, mater humilis,
In omnibus laudabilis,
Tu mater orphanorum ;
Gemitum orantium
Audis et gementium,
Solamenque eorum.
Audi vocem meam, pia,
Mater felix atque dia,
Solve vincla omnium
Peccatorum nunc meorum,
Delictorum pessimorum,
Orans pro me Dominum.
10. Quae dum orares sedulo
Cordis tui cubiculo
Te saepe visitabant,
Magdalena, Katherina,
Margaretha et divina,
Quae finem intimabant ;
Mihi, sancta, sic tu pande
Finem meum et ostende
In hoc mihi gratiam,
Et emenda vitam meam,
Obtinere hic ut queam
Dei amicitiam.
11. Abhinc, sancta, tu transires
Vitam tuam et finires
Morte, Dei famula,
Gemma lucens et electa,
Carnis nube jam detecta
Fulgens per miracula,
Es a Christo sublimata,
Multis bonis et ditata
In coelesti curia,
Matri Christi sociata
Gemmeaque coronata
Corona In gloria.
12. Hedwigis, mater benigna,
Omni laude vere digna,
Fac post hoc exsilium
Dei patris me videre
Natum, semper et habere
Matris piae filium.
Hanc tu piam pete matrem,
Ut ostendat mihi fratrem,
Angelorum Dominum,
Ut cum eo vivam laete,
Ipso perfruar quiete
Nunc et In perpetuum.