CONRADUS GEMMCENSIS, ALBERTUS PRAGENSIS, UDALRICIIS WESSOFONTANUS.
6. Convivium dulcissimae Virginis Mariae.
7. Gaudia beatae virginis Mariae.
10. Oratio super Salve regina.
11. Oratio super Ave maris stella.
13. De novem ordinibus angelorum.
15. De sancto Johanne Baptista.
16. De sanctis Petro et Paulo.
21. De sancto Johanne evangelista.
25. De sancto Matthaeo evangelista.
27. De sancto Matthia apostolo.
29. De sancto Luca evangelista.
37. De sancto Thoma Cantuariensi.
41. De sancto Mauritio et sociis ejus.
43. De sanctis Johanne et Paulo.
44. De sancto Achatio et sociis ejus.
53. De sancto Paulo, primo eremita.
69. De sancta Maria Magdalena.
1. De sancto Johanne Baptista.
4. De sancto Johanne evangelista.
5. De B. M. V. et S. Johanne ev.
9. De decem millibus Martyrum.
30. De sancta Maria Magdalena.
III. Udalriciis Wessofontanus.
13. De sancto Johanne baptista.
17. Ad sanctum Jacobum majorem.
18. Ad sanctum Joannem evangelistam.
1, Ave virgo, virgula
Flosculi regalis,
Quam In matris clausula
Virtus divinalis
Eximit a macula
Culpae generalis,
Ut Illustres saecula,
Decor virginalis.
2. Maria tu sideris
Instar luminosa,
Stella maris diceris
Vere radiosa,
Nondum nata crederis
Tota gratiosa,
Carens spina veteris
Culpae coeli rosa.
3. Gratia progenitam
Te Deus ignivit,
Ut lucernam Inclytam
Lumine vestivit,
Cujus luce perditam
Drachmam requisivit,
Et ad vitae semitam
Ducens Insignivit.
4. Plena luce gratiae
Rutilans decora,
Solem tu justitiae
Praevenis aurora,
Tota pulchra specie
Fulgens omni hora,
Noctem delinquentiae
Fugas sine mora.
5. Dominus cum hominem
Voluit creari,
Omnium tu Dominum
Gaudes humanari
In te, virgo virginum,
Quo nos scis beari,
Angelorum agminum
Turmas reparari.
6. Tecum Dei filius.
Qui te dedicavit
Et ut vitrum radius
Solis subintravit,
Carne sumpta proprius
Te Inhabitavit
Et nos sibi propius
Per te copulavit.
7. Benedicta filia,
Quae paris parentem,
Lactis alimonia
Nutris te pascentem,
Stringis Inter brachia
Cuncta continentem,
Cunis cingis fascia
Omnia regentem.
8. Tu In mulieribus
Virgo concepisti
Et sine doloribus
Virgo peperisti.
Post partum In omnibus
Virgo permansisti.
Sola sic hominibus
Vitam contulisti.
9. Et sic semper speculo
Purior manebas.
Nec legali vinculo
Matrum subjacebas,
Tamen cum Infantulo
Virgo procedebas,
Hostiam pro parvulo
Templo offerebas.
10. Benedictus filius,
Per te nobis datus
Et In templo gratius
Patri praesentatus,
Sed In cruce plenius
Per se Immolatus.
In altari crebrius
A nobis oblatus.
11.Fructus tuae coelicae
Conversationis,
Speculum angelicae
Imitationis,
Formam dat mirificae
Contemplationis,
Exemplum magnificae
Operationis.
12. Ventris tui castitas
Coelum decoravit,
Corporis fecunditas
Mundum reparavit
Cordisque humilitas
Deum Inclinavit,
Virtutum nobilitas
Mores reformavit.
13. Tui ventris filio
Nunc associata,
In regali solio
A dextris locata,
Excellenti praemio
Regnas sublimata.
Summo privilegio
Omnibus praelata.
14. Jesus carnis schemate
Jam te praedotavit,
Sceptro regni themate
Te praehonoravit,
Regni diademate
Pulchre coronavit,
Angelorum neumate
Mire collaudavit.
15. Christus, patris dextera,
Per te nos emundet,
Pietatis viscera
In nobis fecundet,
Caritatis opera
Largius secundet,
Ut per nova foedera
Cordis pax abundet.
16. Amen dicant omnia,
Ut nunc per te, pia,
Recreemur gratia,
Virgo, mater dia,
Da gustare gaudia
Coeli nos In via,
Tandem tecum gloria
Perfrui Maria.