936 Acta Apostolicae Sedis - Commentarium Officiale

Mense cum dimidio vix elapso ab obitu Servi Dei, Nationalis Episcoporum

Conferentia vota significavit aperiendi Causam beatificationis. Ad rem tamen

necesse erat tempus canonicum quinque annorum post mortem exspectare.

Sed post quindecim annos iter Investigationis dioecesanae initium cepit.

Tantummodo die 3 mensis Novembris anno 1998 dioecesanum Tribunal pri-

mam celebravit sessionem et die 28 mensis Septembris anno 2001 habita est

sessio clausurae. Congregatio de Causis Sanctorum die 7 mensis Iunii anno

2002 iuridicae validitatis Decretum emisit. Aparata Positione, disceptatum

est, iuxta consuetum procedendi modum, utrum Servus Dei virtutes heroico

gradu excoluisset. Die 18 mensis Martii anno 2014 Peculiaris Consultorum

Theologorum Congressus favens votum tulit. Purpurati Patres et Episcopi

die 4 mensis Novembris eiusdem anni, congregati in Sessione Ordinaria,

cui egomet Cardinalis Angelus Amato praefui, edixerunt Servum Dei in

theologalibus, cardinalibus iisque adnexis virtutibus exercendis heroicum

attigisse gradum.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Beatissimus Pater,

vota Congregationis de Causis Sanctorum excipiens rataque habens, hodier-

no die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis, in gradu heroico, Servi Dei Fran-

cisci Maximiani Valdés Subercaseaux, ex Ordine Fratrum Minorum Capuc-

cinorum, primi Episcopi Osornensis, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 1 mensis Novembris a.D. 2014.

angeluS card. amato, S.D.B. Praefectus

L. G S.

G marCelluS BartoluCCi

Archiep. tit. Mevaniensis, a Secretis