Acta Congregationum 937

ROMANA

Beatificationis et Canonizationis Servi Dei Hildebrandi Gregori (in saeculo: Alaphridi Antonii) olim Abbatis Generalis Congregationis Silvestrinae Ordinis Sancti Benedicti, fundatoris Congregationis Sororum Sancti Benedicti Reparatri- cum a Sancto Vultu Domini Nostri Iesu Christi (1894-1985)

DECRETUM SUPER VIRTUTIBUS

« Illuminet Dominus faciem suam super te et misereatur tui! Convertat

Dominus vultum suum ad te et det tibi pacem! » ( Nm 6, 25-26).

Benedictio super Moysen effusa vitae ac spiritualitati Servi Dei Hilde-

brandi Gregori (in saeculo: Alaphridi Antonii) summopere personat, qui,

supernarum Sancti Benedicti gratiarum perennis fecunditatis testis factus

eximius, in vultu Domini super viam religiosae perfectionis exquirendo,

enixam contemplationem assiduae pastorali navitati aptissime coniungens,

iugiter perseveravit.

Servus Dei die 8 mensis Maii anno 1894 Podii Cinulphi prope Carseo-

los in provincia Aquilae ortus est. Iam inde a pueritia signa vocationis ad

vitam consecratam percipiens, Congregationem Silvestrinam Ordinis Sancti

Benedicti vix adulescens ingressus est et, post novitiatum, habitu monas-

tico induto, vota simplicia primum professus est ac duodecim post annis

sollemnem emisit professionem.

Studia theologiae vero eo suscipiente, primum totius mundi conflavit bel-

lum, quapropter Servus Dei, in exercitu sese conscribere subactus, caporalis

imposito gradu, infirmis curandis militibus destinatus est et addictus etiam

fuit cappellani militum Domini Petri Ciriaci, qui postea Archiepiscopus,

Apostolicus Nuntius et Cardinalis est nuncupatus. Deinde, illis resolutus

officiis et ad monasterium Hildebrandus reditus, cursus theologiae apud

Pontificiam Universitatem Studiorum Gregorianam in Urbe frequentavit et

lauream in philosophia et theologia adeptus est et, die 29 mensis Octobris

anno 1922, presbyteratu auctus.

Intra communitatem oneribus laboris pastoralis ad vocationes exquiren-

das commissus est et iuvenum probandorum atque professionis religiosae

candidatorum lnstitutioni. Anno 1939, quadraginta quinque annum natus,

Abbas Generalis Congregationis Silvestrinae Ordinis Sancti Benedicti elec-

tus, tanto hoc munere viginti annos functus est. Magna in difficillimis adiunc-