938 Acta Apostolicae Sedis - Commentarium Officiale

tis secundi totius mundi belli tempore mandatus sui gessit opera, quorum

gratia amplioris peregre diffusionis eiusdem familiae religiosae substruxit

fundamenta. Pater Hildebrandus interdum perrexit adauxitque navitates,

quibus omnis vero conversatio eius iam antea emicuerat, praedicationem

scilicet ac moderationem spiritualem multarum animarum et praesertim

diversorum, qui exinde Servi Dei facti sunt.

In annis post secundum totius mundi bellum aliquos pauperes ac de-

relictos collegit pueros, quibus summa benignitate subvenit et tanti eius

apostolici iamiam eo patuerunt labores, ut e primo coetu quodam Opus eius

opitulationis nasceretur, pro qua regenda Pater Hildebrandus Congregatio-

nem Sororum Sancti Benedicti Reparatricum a Sancto Vultu Domini Nostri

Iesu Christi, anno 1977 ab Apostolica Sede recognitam, cuius officia etiam

in infirmos, qui longioribus adstringerentur curis, prolata sunt.

Iter spirituale Servi Dei inde ab institutione apud larem recepta assi-

duam adusque Regulae S. Benedicti observantiam atque uberem dein na-

vitatem pastoralem et dilatatam caritatem purissima simplicitate enituit.

Vir ingenio fecundo instructoque atque actuoso una et suavi suffultus, Pater

Hildebrandus sese numquam operi gratiae retraxit et omnia ad apostolatus

instrumenta innovanda prosequi valuit calcaria. Omnibus in adiunctis, et in

angustiis etiam bellorum, Domino confisus est et signa temporum intellexit,

quo magis magisque fratribus ministraret et Evangelii mandata iugiter et

Ecclesiae servaret.

Necessitatibus omnium sive intra moenia communitatis sive in societate

mirabiliter intentus, Servus Dei modestia ac temperantia vixit; fide exarsit

necnon erga Beatam Mariam Virginem devotione et constanti orationis

contemplationisque spiritu. Interiorem hominem mysterio Verbi incarnati

innixus est et Eucharistiam summopere coluit, in celebranda Missa viscera

dilectionis suae in Deum, fontem et culmen vitae suae, omnimodis extollens.

Homo fuit atque institutor in seipsum admodum austerus, in proximum au-

tem indulgens et benignus. Silvestrinorum monachorum plenam et integram

exemplo et opere suo informavit generationem.

Post diutinum et asperum morbum, Servus Dei die 12 mensis Novem-

bris anno 1985, nonaginta unum annos natus, in alma Urbe pie in Domino

quievit, magna sanctitatis fama circumfusus.

Ob tantam famam Causa Beatificationis et Canonizationis apud Vica-

riatum Urbis inita est per celebrationem Inquisitionis dioecesanae a die 5