Congregatio de Causis Sanctorum 943

VALENTINENSIS

Beatificationis et Canonizationis Servae Dei Marthae Aloisiae Robin Christifidelis

Laicae Fundatricis Consociationis V.d. «Foyers de Charité» (1902-1981)

DECRETUM SUPER VIRTUTIBUS

« Sacratissimum Cor Iesu in Cruce affixi constituitur ut inviolabilis domus

quam in terra elegi » .

Satis resumit haec sententia intimam vitam Servae Dei Marthae Robin:

vita scilicet amore ac oblatione imbuta, necnon in Domini Sacratissimo

Corde abscondita ad salutem mundi praesentis et futuri.

Serva Dei nata est die 13 mensis Martii anno 1902 in Gallia, ex pago

exiguo v.d. Châteauneuf de Galaure apud Lugdunensem civitatem, in Va-

lentinensi dioecesi. Omnem vitam suam in humili praedio familiariter con-

summavit. Orta est ex familia christiana, sed iam satis a vita paroecciali

seiuncta. Hic pagus enim, tamquam omnis ista regio, desertione fidei pro-

grediente in isto tempore, ab antiecclesiali motu vehementer exercitabatur,

quod animam Servae Dei valde affecit. Haec autem pia puella permansit

et fortiter Prima Communione signata est sicut primo gradu in unionem

cum Christo. Paulatim, ut videtur, de vita religiosa amplectanda cogitabat.

Tunc in aetate sedecim annorum, morbus malignus eam attinxit. A

gravisssima pathologia encephalitiae cruciata est, quae tantum horribilis

quantum in illo aevo ignorata erat. Dolores permulti et immoderati, qui

nullo modo minueri poterant. Fuerunt quidem horae in quibus illa moritura

credita est. Membrorum suorum delibilitatis causa, retinebatur in pago a

influentia Hispanica experiri, a qua ingentia millia tum ubique occidebantur.

Cum Martha contagiosa reputata esset, a nemine visitabatur et per longos

annos in dura solitudine vixit. Secreta et afflicta, nullam spem futuram

ratione humana fauste exeogitare poterat.

In hac perardua positione, tamen, Martha, sicut accidit per nonnullas

personas invalidas, rationes vivendi investigabat spem reponens in Deo,

qui solus sensum ad tantas aegritudines afferrendum valeret. Anno 1925,

in aetate annorum viginti tres, Deo se omnino oblavit. Deinde anno 1928,

per missionem paroecialem, sicut « effusionem Spiritus Sancti » accepit et

intellexit quod aegritudo fecunda fieri posset dummodo dolorem una cum