Congregatio de Causis Sanctorum 945

adiuvit. Plurimos qui eam visitaverunt illuminavit. In hoc quidem insuavi

aevo pro Ecclesia in Gallia, praesertim post Concilium Vaticanum II, per

multos sicut fultura exstabat, stabilis et tranquilla permanens.

Martha Robin vere enitet non solum ut apostola « Novae amoris Pente-

costi » ut aiebant Servus Dei Pius XII et Sanctus Ioannes XXIII, sed etiam

ut praeco « Novae Evangelizationis » secundum vocabulum a Sancto Ioanne

Paulo II adhibitum. Illa, ex antiqua christiana societate proveniens, cito

percepit christianismum temporis sui renovandum esse. Serva Dei virtutibus

humanis instructa erat ex agresti societate in qua educata, scilicet veritas

rerum, intellectum actuosum ac fortitudo mentis. Progrediens in his virtu-

tibus cor eius a gratia divina alitum est ut vitam coniunctam cum Christo

et cum Maria Virgine ad servitium Ecclesiae ageret. Namque insigne vitae

spiritualis gradum attigit. Numerosis enim physicis ac spiritualibus aspe-

ritatibus necnon contradictionibus assidue affluentibus, fortitudinis donum

eximio modo manifestavit. Ex spirituali unione cum Deo conspicuam cari-

tatem in cor suum recepit et tradidit singulis et cunctis animis. A virtute

prudentiae et dono consilii mota, amorem et commiserationem constanter

demonstravit in omnibus ut sane manifestaretur sicut « spei prophetissa ».

Intime coniuncta cum Sacratissimo Corde Iesu in Cruce affixi, non ex seipsa

vivebat et agebat, sed in Christi sacrificio defixa offerebat omnia quorum

particips erat. Incessanter visitatores invitabat ut sese offerent Deo cum

his verbis: « Maxime, nolite oblationem negligere! »

Ratione famae sanctitatis, Inquisitio dioecesana inita est in Curia Va-

lentinensi a die 2 mensis Februarii anno 1988 usque ad diem 27 mensis

Maii anno 1996, cuius iuridica validitas ab hac Congregatane agnita est

Decreto lato die 24 mensis Aprilis anno 1998. Positione expleta, secundum

consuetam disciplinam disputatum est de heroico gradu Servae Dei virtutum.

Positivo cum exitu die 11 mensis Decembris anno 2012 Congressus Pecu-

liaris Consultorum Theologorum habitus est. Die 21 mensis Octobris anno

2014 Patres Cardinales et Episcopi in Sessione Ordinaria, a meipso Angelo

Cardinale Amato moderata, professi sunt Servam Dei virtutes theologales,

cardinales et annexas in gradu heroico exercuisse.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate