116 LEGATI PH.

dum simplicis et purae eleemosynae in stipendium celebrationis Missarum, facta prius protestatione, quod non intendant aliquod consequi ius vigore legati.

Ex qua recepta doctrina consequi, heredes obligatione teneri ad adimplendum legatum: quod si adimplere detrectent, non posse quidem cogi ab eiusmodi Regularibus, quatenus tales Regulares sunt, qui ius ad legatum habere non possunt: attamen non pro- hiberi Syndicum Conventus, non quatenus Regularis est, sed quatenus unus est de christiano populo, vel nomine Romanae Ec- clesiae, quae piarum voluntatum suprema tutrix est, vel ex offi- cio iudicis cogere heredes, ut suae obligationi faciant satis, Fer- raris Biblioth. can. verbo Legatum n. 95 et seq.

Verum in themate difficultatem ex eo oriri animadversum est, quod non ageretur de perpetuo onere heredis celebrare faciendi quotannis funus et Missas atque eleemosynam rependendi; sed ageretur de pecuniae compendio a Regularibus recipiendo et ad- ministrando ex quo excedentem etiam redditum perciperent: ho- rum autem legatorum non videri eos Regulares capaces.

Sane refert Fagnanus in Cap. Nimis parva, de Excess. Prael. n. 46, quandam dubiorum seriem, quae ex mandato Urbani VIH in particulari Congregatione soluta sunt, atque inter cetera hoc dubium reperitur: « An Fratres Minores tam de Familia, quam » Reformati sint capaces legatorum annuorum, quae fiunt adiecto » onere celebrationis Missarum? » Cui responsum est: Fratres Minores tam de Familia, quam ex Reformatione nullatenus esse capaces legatorum annuorum, quae fiunt adiecto onere celebrationis Missarum.

Eo magis quod fructus ex legata pecunia onera excederet; de qua re resolutum quoque fuisse prout loc. cit. refert Fagna- nus: valere legatum annui redditus factum Sacristiae vel Fabricae ecclesiae vel Conventus Fratrum Minorum iam de Familia, quam de Reformatione nisi adsit excessus in quantitate.

Veruni pluribus in casibus similes testamentarias depositiones exsecutioni fuisse mandatas per S. C. aliqua modificatione adiecta, de quibus Fagnanus loc. cit. n. 21, S. Rota Decis. 1325 coram Eme- rix iunior. Nominatim vero S. C. C. in quadam causa Firmana Legatorum: in ea enim agebatur de quodam legato quod anno 1614 quidam Tancredi Conventui reliquerat in scut. 90 cum onere duo-