948 Acta Apostolicae Sedis - Commentarium Officiale

ACTA TRIBUNALIUM

SUPREMUM SIGNATURAE APOSTOLICAE TRIBUNAL

Litterae circulares de Statu et activitate Tribunalium.

inter munera, quae huic Supremo Tribunali tribuuntur, officium eminet

consulendi ut iustitia in universa Ecclesia recte administretur.1

Quod officium extollit constitutio apostolica Regimini Ecclesiae univer-

sae a beato Paulo VI promulgata, quae in una Signatura Apostolica solli-

citudinem pro omnibus causis et Tribunalibus colligere statuit.2 Ad quam

innovatam competentiam in actum redigendam, statim, anno nempe 1970,

hoc Supremum Tribunal litteras circulares edidit de Tribunalium ecclesias-

ticorum statu et activitate (AAS 63 [1971] 480-486), quibus schema quoque

adnectebatur annualis conficiendae relationis de statu et activitate unius-

cuiusque Tribunalis.

Quinquaginta fere annis a normis de statu et activitate Tribunalium

editis transactis, tot tantisque immutationibus et innovationibus in Ecclesia

eiusque lege ac compage intervenientibus, opportunum persentiebatur illas

normas ac schema revisioni subicere ac denuo edere,

Quae normae potissimum rationem habere debent recentioris refor-

mationis canonum utriusque Codicis de causis ad matrimonii nullitatem

declarandam per binas Litteras Apostolicas motu proprio datas, Mitis Iudex

Dominus Iesus scilicet et Mitis et misericors Iesus.

1 Cf. can. 1445, § 3 CIC; ioanneS pauluS II, Constitutio apostolica Postar bonus, 28 iunii 1988, artt. 121 et 124, in AAS 80 (1988) 891, 892; BeneDiCtuS XVI, Litterae apóstolicae motu proprio datae Antiqua ordinatione, 21 iunii 2008, Lex propria Supremi Signaturae Apostolicae Tribunalis, artt. 32; 35 et titulus V: De administrativa ratione procedendi in AAS 100 (2008) 521, 522, 535-538.

2 pauluS vi, Constitutio apostolica Regimini Ecclesiae universae, 15 augusti 1967, n, 105, in AAS 59 (1967) 92l Quoad officium invigilandi antea Sacrae Congregationi de disciplina Sacra- mentorum concreditum, cf. Litterae circulares In Plenariis, 1 iulii 1932, in AAS 24 (1932) 272-274; constitutio Officii vigilantiae apud idem Dicasterium, 24 mai 1939.