190 APPENDIX IV.

IX. Ditiones S. Sedis non ad alicuius regalis familiae suc- cessionem, sed ad omnes catholicos pertinent, pag 163 et 164, et earundem tutela pariter ad omnes pertinet catholicos, pag. 165, et Ecclesiae filii suam impendere debent auctoritatem, pag. 167, ceterique Principes, pag. 175.

X. Cuiusque Europae Principum vel maxime interest, Ro- manum Pontificem plenissima frui libertate, qua Catholicorum conscientiae in eorundem Principum ditionibus commorantium tranquillitati rite consultum sit, pag. 161

XI. Nulli civili Gubernio denegari potest ius cooptandi in suas copias exteros homines: maxime vero Pontificio Gubernio ad Ecclesiae defensionem, quum Pontifex sit fidelium omnium Pater, pag. 171.

XII. Principium de Non interventu funestum ac perniciosum, pag. 174.

PROPOSITIONES HISTORICAE DE CIVILI R. PONTIFICIS PRINCIPATU.

I. Civilis Principatus Romanae Ecclesiae Romanique Ponti- ficis caelesti quadam rerum dispensatione et vetusta per tot iam continentia saecula possessione ac iustissimo quovis alio optimo- qué iure comparatus est, et communi omnium populorum et Principum vel acatholicorum consensione uti sacrum inviolatum- que Beati Petri patrimonium semper est habitus ac defensus, pag. 159.

II. Historia luculentissime testatur, civile regimen per Roma- nos Pontifices gestum, nihil impedire, quominus ea omnia per- fici queant, quae ad temporalem quoque populorum felicitatem conducunt, pag¿ 166.

HI. Consilia, molitiones et fraudes eorum, qui temporalem Romanae Ecclesiae dominationem convellere exoptant, eo ten- dunt, ut Romana Ecclesia suo spoliata patrimonio, Apostolicae Sedis, Romanique Pontificis dignitatem maiestatemque dépri- mant, pessundent, et liberius sanctissimae Religioni maxima quae- que damna ac teterrimum bellum inferant, ipsamque, si fieri um- quam posset, funditus evertant, pag. 160