URBIS ET ORBIS. 297

certisque Viris concludi : at de Doctoribus id affirmandum non esse, quorum nec aetas neque numerus est definitus: Doctores enim semper in Ecclesia futuros.

Animadvertit itaque, ante Bonifacium VIII sine formali De- creto insignes sanctitate et doctrina Viros Doctores fuisse com- pellatos, per aequipollentem scilicet Ecclesiae declarationem, iuxta ea quae scripsit Benedictus XIV De canoni*. I. 4 p. 2 c. 12 n. 9 his verbis: « Statuendum esse videtur, primo individuam praeces- » sisse concessionem tituli Doctoris concessioni Officii et Missae sub » eodem titulo in universa Ecclesia, quoad Sanctos tantum Gre-

gorium Papam, Ambrosium, Augustinum, Hieronymum (qui hu- » iusmodi titulo a Bonifacio VIII decorati fuere), Thomam de Aqui- » no (qui a Pio V), Bonaventuram (qui a Xisto V). Secundo, alios » in universa Ecclesia eundem cultum habere, quamvis nulla prae- » cesserit formalis declaratio admissionis ipsorum inter Ecclesiae » Doctores, qui sunt sancti Ioannes Chrysostomus, Gregorius Na- » zianzenus, Anselmus) Isidorus et Petrus Chrysologus.» In aequi- pollenti autem declaratione Doctoris nullam temporis rationem esse habitam.

« Quod si in sola formali declaratione velit aliquis insistere (sunt Oratoris verba), quantam temporis varietatem in variis Do- ctoribus deprehendet ! S. Gregorius multo recentior Ambrosio, Augustino et Hieronymo, uno Decreto anni 1298 a Bonifacio VIII coniungitur. Dein Thomas Aquinas, Doctor renuntiatur an. 1567, nempe post biscentos quadraginta quatuor annos ab eius Cano- nizatione. Postmodum S. Bonaventuras, vix elapso saeculo a Ca- nonizatione, Doctoris honoribus decoratur. Anselmus et Isidorus longe vetustiores duobus nuper laudatis, nonnisi saeculo XVIII a Clemente Xl et Innocentio XIII formali declaratione Doctores compellantur. Alii deinde succedunt, non pro temporis ratione quo vixerant, sed pro varia postulantium diligentia et festina- tione. Quid? Leo ille primus, Marciani coaevus, qui non modo propter vitae sanctimoniam, sed et propter doctrinae praestan- tiam Magni cognomentum iamáú¡ habuerat; nonnisi post medie- tatem saeculi elapsi, a Benedicto X l v peculiari Decreto inter ec- clesiae Doctores recensetur. Quid? Leone antiquior Hilarius, mal- leus Arianorum, catholicae veritatis vindex, qui de Summae Tri- nitatis mysterio mirifice scripserat, ecquando excelso Doctorum