320 URBIS ET ORBIS.

» Postmodum facta horum omnium et singulorum eidem San- ctissimo Domino Nostro Pio PAPAE IX per infrascriptum ipsius Sacr. Congregationis Secretarium fideli relatione, Sanctitas Sua S. Congregationis Rescriptum adprobavit et confirmavit; ac desu- per Generale Decretum Urbis et Orbis expediri mandavit, die 23 iisdem mense et anno.»

C. Ep. Ostien. et Velitern. Card. PATRIZI S. R. C. Praef. Loco gg Signi

D. Bartolini S. fi. C. Secretarius.

E X S E C R E T A R I A B R E V I U M .

L I T T E R A E A P O S T O L I C A E

D E S A N C T O A L P H O N S O M A R I A D E L I G O R I O

T I T U L O E C C L E S I A E D O C T O R I S A U C T O .

PIUS PP. IX.

AD PERPETUAM BEI MEMORIAM.

« Qui Ecclesiae suae numquam se defuturum spopondit Chri- stus Dominus, quum maxime in rem suae immaculatae Sponsae esse perspexerit, insignes excitat pietate et doctrina Viros, qui repleti spiritu intelligentiae, tamquam imbres mittant eloquia sa- pientiae suae. Neque enim sine providentissime Omnipotentis Dei consilio factum est, ut, quum Iansenistarum doctrina Novatorum oculos in se converteret, errorisque specie multos alliceret, age- retque transversos, tunc potissimum extaret ALPHONSUS MARIA DE LIGORIO, Congregationis a Sanctissimo Redemptore Institutor, et Sanctae Agathae Gothorum Episcopus, qui bonum certans cer- tamen, os aperiret suum in medio Ecclesiae; scriptisque doctis et laboriosis, istam ab inferis excitatam pestem radicitus evellen- dam, et ab agro Dominico exterminandam curaret. Neque vero has solum sibi partes depoposcit Alphonsus; sed in Dei gloriam,