LITTERAE APOSTOLICAE. 321

spiritualemque hominum salutem unice intendens animum, plu- rimos Libros conscripsit, sacra eruditione et pietate refertos, sive, inter implexas Theologorum tum laxiores, tum rigidiores senten- tias, ad tutam muniendam viam, per quam Christifidelium ani- marum Moderatores inoffenso pede incedere possent; sive ad Cle- rum informandum, instituendum; sive ad Catholicae Fidei veri- tatem confirmandam, et contra cuiuscumque generis aut nominis Haereticos defendendam; sive ad asserenda huius Apostolicae Se- dis iura; sive ad Fidelium animos ad pietatem excitandos. Hoc porro praedicari verissime potest, nullum esse vel nostrorum tem- porum errorem, qui, maxima saltem ex parte, non sit ab Al- phonso refutatus. Quid quod ea, quae, tum de Immaculata San- ctae Dei Genitricis Conceptione, tum de Romani Pontificis ex Cathedra docentis Infallibilitate, plaudente christiano populo, et frequentissimo universi catholici orbis Antistitum consessu ap- probante, a Nobis sancita sunt, in Alphonsi Operibus reperiuntur et nitidissime exposita, et validissimis argumentis demonstrata?

» Quamobrem in hunc perbelle cadit nobilissimum illud di- vinae Sapientiae praeconium: Non recedet memoria Eius, et no- men Eius requiretur a generatione in generationem, Sapientiam Eius enarrabunt gentes, et laudes Eius enuntiabit Ecclesia. Ac Pius VII praedecessor Noster recolendae memoriae, summam Al- phonsi sapientiam demiratus, gravissimum hoc de eo protulit te- stimonium: Voce, nimirum, ac scriptis in media saeculi nocte er- rantibus viam iustitiae ostendisse, per quam possent de potestate tenebrarum in Dei lumen ac regnum transire. Item fel. rec. De- cessor Noster Gregorius XVI incredibilem Alphonsi dicendi vim, copiam, varietatemque doctrinae maximis laudibus prosequutus, eum Sanctorum Caelitum fastis adscripsit. Tandem nostris hisce temporibus, plurimi Sanctae Romanae Ecclesiae Cardinales, fere omnes totius orbis Sacrorum Antistites, Supremi religiosorum Or- dinum Moderatores, insignia Sodalium Theologorum corpora, il- lustria Canonicorum Collegia, et docti ex omni coetu Viri sup- plices Nobis preces porrexerunt, ut Sanctum Alphonsum Mariam de Ligorio DOCTORIS ECCLESIAE titulo honoribusque augeamus. Nos itaque piis hisce precibus obsecundare Iubenti animo volentes, gra- vissimum hoc negotium, ut moris est, Congregationi VV. F F . NN- S. R. E. Cardinalium tuendis Ecclesiae Ritibus praepositorum ex-

Acla, tom. VI, fase. LXVII 21