VIVARIEN. 357

hodierna die habitis: An constet de Validitate Processuum tam Apostolica quam Ordinaria auctoritate constructorum, Testes sint rite ac recte examinati, et iura producta legitime compulsata in casu et ad effectum de quo agitur? Emi porro ac Rmi Patres Sa- cris tuendis Ritibus praepositi, post accuratum omnium examen audito etiam R. P. D. Petro Minetti Sanctae Fidei Promotore, re- scribendum censuerunt: Attentis omnibus in casu de quo agitur affirmative, et consulendum Sanctissimo, ut fiat Decretum Generale, ne in posterum in condendis Processibus tam Ordinariis quam Apo- stolicis eadem persona fungi possit nec successive diversis officiis sub poena nullitatis. Die 10 Decembris 1870. Facta autem de prae- missis Sanctissimo Domino Nostro Pio Papae IX ab infrascripto Sacrorum Rituum Congregationis Secretario fideli relatione, San- ctitas Sua sententiam Sacrae Congregationis adprobavit et con- firmavit ipsumque Generale Decretum praelo tradi et evulgari mandavit (1). Die 22 eiusdem Mensis et Anni.»

C. Ep. Ostien. et Velitern. Card. PATRIZI S. R. C. Praef. Loco Signi

D. Bartolini S. B. C. Secretarius.

(1) Hoc Decretam expositum habes

superius pag. 318. In hac causa agenda

nonnulli irrepserunt defectus. Id mirum

esse non debet ; immo inspectis condi-

tionibus, in quibus ecclesiasticae Curiae

in Gallia versantur, laudi vertendum est,

quod Curia Vivariensis non dubitaverit,

aggredi et prosequi difficiles prolixos-

que processus, quales exiguntur in cau-

sis Servorum Dei. Curiae ecclesiasticae

plurimae in ea conditione versantur, ut

processus solemni accurataque forma,

ut olim solebant, difficile condere va-

leant, sive ob iuges civiles vicissitudi-

nes, quae susdeque omnia verterunt,

sive ob defectum personarum, quae vel

desunt, vel non sunt in hac rerum pro-

vincia versatae, sive etiam ob neglectam

curam res instaurandi, quoad fieri pos-

sit, iuxta normam sacrorum canonum.

Non deest aliqua Curia eccles ias t ica ,

apud quam videtur prorsus obliteratus

conceptus qui respondet verbo Proces -

sus. Appellant enim processum e x . gr.

prudentum opiniones, quas in aliquo ne-

gotio Curia ipsa exquirat: easque opi-

niones habent loco testium et testifi-

cationum, dum non sunt aliud nisi Vo-

tum Curiae seu Episcopi.

Curia, quae valeat rite conficere

processus in causis Servorum Dei, ido-

nea est ad quemlibet conficiendum pro-

cessum: namque si excipias has causas,

et causas criminales (quamvis et hae

instaurantur prouti instaurari possunt)

nonnullasque alias iuxta constitutiones

Pontificias, cetera iudicio summario agi

possunt, servatis tantum regulis et con-

ditionibus, quas ius naturae vel aequitas

suggerit ad detegendam veritatem, quin

violetur ius sive actoris sive rei. Confer

Appendicem 11 pag. 42 / et ea quae

ibidem allegavi.