364

RHEGINEN.

Beatificationis et Canonizationis Servi Dei Fr. Iesualdi a Rhegio Sacerdotis Professi Ord. Minorum S. Francisci Capuccinorum.

«Quarto Kalendas Decembris Anni 1867, quum Sanctissimus Dominus Noster Pius Papa IX benigne indulserit, ut de Dubio signaturae Commissionis Introductionis Causae Servi Dei Iesualdi a Rhegio praefati ageretur in Congregatione Sacrorum Rituum Ordinaria absque interventu et voto Consultorum licet non elapso Decennio a dfe praesentationis Processus Ordinarii in Actis Sa- crorum Rituum Congregationis et scriptis eiusdem Servi Dei non perquisitis et examinatis, Emus et Rmus D. Cardinalis An- tonius Maria Panebianco huius Causae Ponens, ad instantiam R. Patris F. Amedei ab Urbeveteri Sacerdotis Professi et Postu- latoris Generalis Causarum Beatificationis et Canonizationis Ser- vorum Dei Ordinis Minorum Sancti Francisci Capuccinorum, at- tentis Postulatoriis Litteris plurium Virorum Ecclesiastica prae- sertim Dignitate illustrium, in Ordinariis Sacrorum Rituum Co- mitiis hodierna die ad Vaticanum coadunatis sequens Dubium discutiendum proposuit nimirum: An sit signanda Commissio In- troductionis huius Causae in casu et ad effectum de quo agitur? Et Sacra eadem Congregatio omnibus maturo examine perpensis auditoque voce et scripto R. P. D. Petro Minetti Sanctae Fidei Promotore rescribendum censuit: Affirmative, sive signandam esse Commissionem si Sanctissimo placuerit. Die 22 Aprilis 1871.

» Facta postmodum de praemissis per infrascriptum Secreta- rium Sanctissimo Domino Nostro Pio Papae IX relatione, Sancti- tas Sua sententiam Sacrae Congregationis ratam habuit et con- firmavit: propriaque manu signavit Commissionem Introductionis Causae Ven. Servi Dei Fr . Iesualdi a Rhegio praedicti. Die 27 iisdem Mense et Anno.»

C. Ep. Ostien. et Velitern. Card. PATRIZI S. R. C. Praef.

Loco Sigilli D. Bartolini S. R. C. Secretarius.