378 URBIS ET ORBIS

allata monumenta designant, diserte non dicitur; verum, quum praeter Leones Pontifices Maximos, de quibus heic sermo esse non potest, nullus alius Leo Episcopus Romae cultus dignoscatur, hoc excepto, de quo loquimur: propterea ille, cuius corpus Sergius H in praedictam Basilicam transtulit, alius credi non potest a Leone Episcopo, in Agro Verano primitus condito. Suadent etiam tem- poris adiuncta, cum notum sit, propter barbarorum ineursus, Ro- manos Pontifices plurima Sanctorum corpora, quae in suburbanis sepulta fuerant, tum in Urbem intulisse. Cum autem non e subur- biis, sed aliunde corpora Sanctorum transferrent, idipsum in Actis' diserte adnotabant. Vehementissimum accedit indicium ex eo quod Sergius U corpus S. Leonis Episcopi et aliorum, quos singilla- tim Anastasius nominat, sub sacro altari collocavit, cum aliis mul- tis, quorum nomina Deo sunt cognita. Itaque iste S. Leo Episco- pus non ex vulgaribus, sed ex praecipuis erat, eodemque in censu habitus cum SS. Fabiano, Stephano, Sotere Romanis Pontificibus, ceterisque de quibus inibi diserta fit mentio. Iamvero horum omnium, ceu docte animadvertit ci. De Rossi, in variis suburbii coemeteriis adhue patent sepulchra e quibus eruta fuere; propter ea cum nullius alterius sepulchri S. Leonis Episcopi, praeter illud prope S. Laurentii Basilicam, memoriam transmiserit an- tiquitas, eius corpus qui modo ad equitias sacras Aedes colitur, aliud censeri nequit ab eo, quod sub appellatione S. Leonis Epi- scopi ac Martyris in Sacello S. Stephani ad Veranum Agrum an- tiquitus colebatur.

» Denique id ex parte confirmat vetusta inscriptio, quae adhuc extat prope hypogeum Basilicae ss. Martini et Silvestri, quae ita se habet: Temporibus Dñi Sergii Iunioris Papae recondita sunt in hoc sacro altari Beati Silvestri Praesulis corpus et B. Martini... una cum SANCTO QUIRINO AC LEONE EPISCOPIS, pariter Artemio etc... fere uti in libro Pontificali superius citato; tum vero versus finem additur: Haec Sanctorum corpora translata sunt de cimiterio Pri- scillae Via Salaria.

» Neque difficultatem cuique facessat verbum illud Priscillae, ac si omnia et singula Sanctorum corpora, quae designantur, ex uno coemeterio Priscillae eruta fuissent. Verumtamen oppor- tune monuerunt in suo examine clarissimi Viri Felix Profili, P. Franciscus Tongiorgi, ac superius memoratus Ioannes Baptista