NULLITATIS TESTA-MEATI I 403

sacerdotalibus laboribus aut quovis alio licito modo sibi pertinerent: quae quidem facultas, etsi mentionem non faceret de iure acqui- rendi, eam tamen omnino supponere!: ex qua etiam coniici posse, hoc acquirendi ius eidem Livio iam fuisse concessum cum ipso saecularizationis Indulto. Quamobrem quamquam Livius non pos- set iura consequi, quae fortasse aliis iam essent quaesita (non enim praesumitur Pontificem per Indulta iura aliis quaesita lae- dere velle), in eius tamen fuisse potestate consequendi id quod sibi pertineret, quod aliis non esset devolutum, Barbosa de iur. eccles, univ. I. l . c . 42 n. 247, aliique.

Iamvero portiones haereditarias paternam et maternam Livii, tempore relati Indulti non fuisse a monasterio acquisitas.' nec portionem hereditariam maternam monasterio, adire volenti, ce- dere potuisse ob clausulam testamenti adiectam, donec Livius de ea non disposuisset: nihil ergo dubii superesse videri, quominus Livius acquirere portiones suas et iis capellaniam fundare po- tuerit.

Tandem, si per hypothesim exceptiones supplicantium ad- mitti vellent, eas non esse validas in eorumdem supplicantium persona. Vel enim esse impugnandum valorem dispositionum pa- rentum Livii, vel ius eiusdem Livii ad haereditatem consequen- dam. In primo casu impugnari iudicium testatorum a supplican- tibus iam accepto habitum, quod fieri nequiret, / . 1 0 ff. de inöff. testam. « Illud notissimum est, eum, qui legatum percepit, non recte de inofficioso testamento dicturum, nisi id totum alii admi- nistravit. » Item 5 ff. de his, quae ut indignis. In secundo, mo- nasterii iura in medium deducentes exceptionem de iure tertii opponerent, quae nullum contra possessorem valorem haberent, I. 53 ff. de acquir. vel amittend. poss. « Adversus extraneos vitiosa possessio prodesse solet » et alibi.

Quod si iudicium ferretur contra Livium, non supplicantibus, sed Religioni Fratrum Minimorum ius super Livii portionibus delatum intelligi. Nec praescriptionem obiici posse contra Fra- trum Minimorum iura, multoque minus renunciationem a Pro- curatore Generali factam; siquidem, ceteris omissis, vulgati iuris esse, contra ignorantem et non valentem agere non currit prae- scriptio: et renunciationem iuris, quod ad Religionem pertineat, speciem alienationis secumferre, quae, absque solemnitatibus prae-