420 COMMUTATIONIS VOLUNTATIS,

agit aetatis suae, studiisque in Seminario operam dat ; sed in Castro P natus, et Presbyter non est.

His de causis Titius preces obtulit R. Pontifici, ut testatri- cis voluntati derogare hac in parte dignaretur : Episcopus pro informatione et voto rogatus, clericum nominatum commendans, monebat ; satius esse pro necessitate et utilitate fidelium eius votis indulgere, dummodo sibi idoneum sufficeret Presbyterum regularem ( deerant enim in eo oppido saeculares Presbyteri), qui omnia munera a testatrice praescripta exerceret, usquedum orator Presbyter factus ea implere posset.

ANIMADVERSIONES EX OFFICIO. E X officio adnotatum est, Cano- nem esse iuris utriusque vulgatissimum morientium voluntates ad unguem esse servandas; can. Ultima voluntas i 2 q. 2; 1. Omnium C. de testam, ita ut, nonnisi iusta et necessaria causa interve- niente, commutatio voluntatis sit facienda; Trid.sess. 22 c. 6 de Ref.

In themate nihilominus iustam et necessariam causam exi- stere videri, ut testatricis voluntati derogetur. Nullum enim in- veniri, qui vellet capellaniam hanc suscipere et oneribus ad- nexis satisfacere, si illi excluderentur, qui Presbyteri actu non sunt et in Castro P. nati. Hanc rationem satis validam visam fuisse temporibus praeteritis, ut anno 1814 derogatio pro Cle- rico R locum habuerit. In praesenti eadem recurrere rerum ad- iuncta pro institutione Clerici Titii postulantis.

His precibus propositis die 7 Iulii 1870 S. Congregatio Con- cilii distulit responsum ad proximam Congregationem: Rescri- ptum enim prodiit; dilata ad proximam. Id factum est, ut ab Epi- scopo exquireretur, utrum pauper esset orator. Habita autem notitia de maxima Titii paupertate atque precibus repropositis in sequenti Congregatione habita die 13 Augusti 1870, S. Con- gregatio respondere censuit: Adimpletis per alium Sacerdotem ab Episcopo adprobandam capellaniae oneribus, pro gratia dispensa- tionis et habitationis, donec tamen orator ad aetatem pro reci- piendo Presbyteratu pervenerit, facto verbo cum SSmo.

Ex QUIBUS COLLIGES:

Voluntates pie disponendum ad unguem esse servandas, eis- que, Auctoritate Apostolica, non amplius derogari, quam iusta causa exigat.