454 INSTRUCTIO DE CLANDESTÍNIS CONIUGIIS.

quoties expedire viderint, evulgetur et publicetur-. Sed certum quoque est, sicubi promulgatum id Decreti fuerit, ibique de praesentia Parochi praescriptum observari minime potuisset, quod vel Parochus deesset omnino vel difficile adiri posset, Apo- stolicam Sedem declarasse, iis in locis testium praesentiam sa- tis esse ad valide matrimonia constabilienda, quo si integrum Decretum observari non posset, quoad tamen posset, observaretur.

» Iam vero Emi Patres in huiusmodi prudentem Apostolicae Sedis oeconomiam animum intendentes; itemque considerate ac meditato animo perpendentes litteras a Vobis Ven. Fr. iterato ad S. C. hac super re datas; circumspectantes etiam civiles, sa- crasque rationes et faciem ipsam Imperii Sinarum quaeque ei- dem iunguntur provinciarum atque regnorum, censuerunt si id SSmo D. N. placuerit, ut quibus in locis id expedire maturo consilio iudicaveritis, in iis Concilii Decretum integrum rite pro- mulgandum curetis, aut saltem, quoad fieri licuerit, iuxta regulas paulo ante traditas.

» Quamobrem omnia et singula matrimonia, quae posthac ce- lebrari contigerit apud Sinas , ut valida nominentur et sint, ineunda erunt coram Parocho aut Missionario , aut alio quovis legitime designato, ac duobus vel tribus testibus, iisque quoad licuerit, Christianis In iis vero locis in quibus integrum non posset promulgari Decretum, vel si promulgatum sit Parochus tamen, vel alius rite designatus absit, vel faciles ad eundem a- ditus non sint, iniri quidem possint coniugia, etsi absque Paro- cho, coram duobus saltem testibus, iisque si fieri possit Chri- stianis; ita tamen contrahentes, ne Sacramenti dignitas vilescat, obligentur lege sistendi se coram Missionario vel Parocho quan- documque reduci, ut rite ab eo benedictionem accipiant. Missio- narius autem vel Parochus redux, quando sibi de consensu con- iugum constiterit, antequam coniuges benedicat, eos condocefa- ciat, eiusmodi benedictionem ad ritum unice, non ad validitatem pertinere coniugii; ac propterea non committet ille ut rursus consensio per nova verba exprimatur.

» Tandem ne Decreti Tridentini memoria, iusque obsolescat, cupit S. Congregatio, ut quoties se dederit occasio, Missionarii illud popularibus sibi commissis explicent, ac iuxta regulas mo do expositas declarent. Expedit enim, ut ipsae maxime adole-