IURIS TUMULANDI 471

quominus in eo tempio cadavera humarentur, donec sepulturae essent expurgatae: ex qua prohibitione arguebant Canonici, Fratres renunciasse iuri sepeliendi: tum praesertim, quod col- legiata ecclesia constituta fuerat commune coemeterium; quo con- stituto, cessassent sepeliendi iura in aliis ecclesiis.

I URA R EGULARIUM. Compertissimi iuris esse, inquiebant Regu- lares, quemquam a iure non impeditum, posse sibi eligere sepul- turam in quavis ecclesia ius sepeliendi habente. Inter eiusmodi ecclesias recenseri illas Fratrum Minorum, quibus ex speciali privilegio hoc ius competit, cap. Ubicumque, cap. Nos, de sepul- turis, Extra vag. Super Cathedram. Nec secus statuisse synodum dioecesanam, quae ita quoque constituerat: Liberum est cuique sepulcrum eligere in ecclesia, quae iure tumulandi potiatur: hisque accedere peculiarem constantemque consuetudinem.

Neque aliquam iuris solemnitatem requiri, subdebant Regu- lares, ad ostendendam voluntatem eligentis sepulturam, sed suffi- cere simplicem probationem sive per scripturam propria manu exaratam, sive per Confessarii testimonium, sive per depositio- nem duorum testium; Ferraris Bibliotheca canonica verbo Se- pultura, aliique; quibus consonat particula dioecesanae synodi.

Iamvero, in facto constare contendebant, Rosam antequam moreretur elegisse sibi sepulturam in templo Fratrum Minorum.

Sane adducebant plures testes omni exceptione maiores, in- ter quos virum eiusdem mulieris defunctae et filium, qui testati sunt, Rosam, in diuturna sua infirmitate, pluries voluntatem efficaciter patefecisse, se omnino sepeliri velle in templo Fratrum Minorum: qua de causa, si opus esset, vendi quoque deberet quidam fundus, ut eius voluntati fieret satis: hoc esse factum in eo oppido publicum, ita ut in disputationem deduci non posset.

Duos praeterea adducebant testes, qui declararunt, nullimode veniam se a Canonicis petiisse, ut defuncta mulier sepelietur in ecclesia Fratrum Minorum, sed annunciasse mortem, et patefe- cisse defunctae voluntatem.

His autem positis, prono alveo fluere, non modo cadaver ex- humandum esse atque asportandum Canonicorum sumptibus; sed etiam funebria emolumenta, quae Canonicis obvenerant, Fratri- bus Minoribus esse restituenda, cap. Cum liberum, de Sepulturis, in quo Alexander III sic legitur scripsisse: « Ad audientiam no-