SPONSALIUM

519

Die 29 Aprilis 1871,

Compendium facti. Ioseph diuturno amore prosequutus est puellam Conceptam, eamque denique defloravit; natumque in- fantem pro suo habuit et paterna cura aluit.

Postea amoris Conceptae pertaesus cum alia muliere nuptias inire properabat: Concepta, rebus cognitis, apud Curiam impe- dimentum interposuit, quod nihil transeat nuncupant.

Ioseph, ut ab hoc vinculo liberaretur, quo stante, non potuis- set obtinere testimonium Curiae de statu libero, in ius vocavit Conceptam, ut interpositum impedimentum submoveretur.

Inito ergo iudicio, institutoque factorum examine, tum a Con- cepta ad fidem futuri matrimonii probandam tum a Iosepho ad eam denegandam aliati sunt testes.

Horum plurimi a muliere prolati de promissione et repro- missione matrimonii ineundi nihil explicite affirmarunt, quam- vis de amoribus, deque familiaritate viri cum Concepta testati sint, nec non de stupro deque edito partu, recognitione filii a viro facta, de mandato accepto ad conciliandam dotem, et de- mum de comperta mulieris honestate: de qua fidem amplam iam fecerat Parochus.

Duo tamen testes de promissione et repromissione haec de- posuerunt: unus enim testatus est: «t Duobus abhinc annis dum essem in officina, quam Conceptae pater possidet, loseph aderat cum Concepta atque inter colloquia promittebat se eam uxorem ducturum, et vicissim Concepta repromittebat matrimonium.» Atque idem testis subdit: « tum ante tum post stuprum pluries Ioseph, in dicta Conceptae officina sistens, Conceptae promitte- bat, se eam uxorem ducturum, et vicissim respondebat Con- cepta, se non alii quam Iosepho nupturam. » Denique idem te- stis adiecit: « Scio, Iosephum, priusquam deflorasset puellam, ei promisisse matrimonium, et etiam post deflorationem, quia Io- sephus ipse mihi dicebat, tum ante tum post stuprum, se eam absolute uxorem ducere velle.»

Altera testis deposuit: « Iosephus pluries mihi dixit uxorem ducere se velle Conceptam; sed eius matrem annuere nolle si do-