522 SPONSALIUM.

lieris, quae nunquam tale dedecus passa esset, nisi sub fide ma- trimonii contrahendi.

Iamvero, eiusmodi elementa in themate deesse Orator con- tendebat: deesse primum, quum probari non posset ex testibus vera et libera promissio futuri matrimonii a viro expressa: duos enim testes a muliere deductos, qui id viderentur testari* reii- ciebat Orator, tamquam singulares et non contestes, immo tam- quam viri inimicos, latrones et calumniatores. Deesse secundum elementum, quod nemo ex propria scientia stupri auctorem fateretur Iosephum: deesse tertium, quod ex modo deductis ostendere curavit, idest ex osculis in publica officina receptis, ex absentia a domo causa illegitimi partus.

Ad tertium dubium gradum faciens Orator, animadvertit, facta hypothesi, de sponsalioas, stupro et honestate mulieris, in themate constare, dispensationi etiam locum esse, propterea quod mulier virum iniuriis et contumeliis affecerat, ita ut fassa ipsa fuerit, se cum eo nuptias amplius inire nolle: domi meae te amplius nolo; te nolo, quia nuptias cum pari meo inire debeo. Maxime vero, quod ex coactis nuptiis mali derivant exitus, iuxta textum in cap. Requisivit, 17, de Sponsalibus, in quo de muliere renuente legitur: « cum libera debeant esse matrimonia, monenda est potius ( mulier, quae interposito iuramento se viro nupturam firmaverat), quam cogenda, cum coactiones difficiles soleant exitus frequenter habere.»

Haec et alia protulit Iosephi Defensor. DEFENSIO MULIERIS. Mulier defensorem apud S. C non con-

stituit, ideoque eius defensio, prout moris est, ex officio facta. Circa primum dubium est animadversum, tempus ad appel-

landum utile ex communi canonico iure esse decem dies ab habita notitia sententiae, quo inutiliter elapso, locum non am- plius esse appellationi, iuxta cap. Quod 15 de Sentent, et re iudic, ubi legitur: « Cum post decem dierum spatium sententia in auctoritatem rei transeat iudicatae, qui ad provocationis subsidium intra id temporis non recurrit, appellandi sibi aditum denegavit; cum per hoc videatur per interpretationem iuris latae sententiae paruisse:» item in cap. Concertationi 8. de appell, in 6°. In the- mate vero non decem dies, sed annum a lata Curiae Archie- piscopalis sententia esse praeterlapsum.