524 SPONSALIUM.

Hunc tamen contractum, qui est matrimonii praeambulum , ceu notat Reiffenst. de spons. §. i. n. 5, non a specifica verborum formula, sed a reciproca voluntatis significatione de consensu praestito substantiam desumere, Glossa in cap. Tuae fraternita- ti, de Sponsal.

Iam vero reciprocam hanc voluntatis significationem in the- mate, si non verbis satis clare pateret, factis, quae potentiora sunt verbis, plusquam satis comprobari videri. Omnes enim testes uno veluti ore deponere de diuturna et arcta familiaritate inter Iosephum et Conceptam; ideoque admissa mulieris honestate, quam unanimiter omnes testes affirmant, eam familiaritatem explicari non posse, nisi ad legitimum ineundum connubium referretur.

Eo magis quod intercesserit factum deflorationis cum sub- secuta praegnantia et prole. Nullimode enim posse praesumi, mulierem ceteroquin honestam, absque spe et fide futuri ma- trimonii tantam voluisse pati honoris iacturam, Reiffenstuel de Spons. et matr. §. 5. n. 68; S. Rota in Romana Sponsalium 26 Ianuarii 1731 coram Bussio: in qua legitur: « Constat Gasparem » stuprum in Catharinam perpetrasse. Si itaque haec consensum » praebuit, ut suae virginitatis iacturam faceret, utique facto » ipso, quod verbis est potentius, repromissionem suam praestitit » ac sola spe futuri matrimonii id gessisse praesumitur. » Idem passim repetitur in scribendis concinnandisque huiusmodi causis, quae apud S. Congregationem Concilii ventilantur.

In themate autem constare, Iosephum esse stupri auctorem. Haec maiorem firmitatem acquirere ex viri promissione, quam

palam ipse fassus est post stuprum, dicens se eam uxorem du- cere velle: eiusmodi enim voluntatem viri post stuprum saepius patefactam argumento esse, et praecessisse stuprum, eamque honestae puellae valide significatam, ut stupro assentiret.

Verum coniecturis et praesumptionibus, quamquam validis, opus non esse videri; quandoquidem duo testes deponerent expli- citam satis promissionem et repromissionem repetitam, tamquam si de negotio ageretur, quod in dubitatione non esset positum.

Hisce positis, est animadversum, Iosephum duplici adstringi vinculo, quorum unum consurgeret ex obligatione deflorationis et prolis subsequutae ad honorem mulieris damnaque ipsi illata