528 CIRCA APPLICATIONEM

itaque ratione eveniebat, ut applicatio pro fundatoribus facien- da esset altera die: voluntas enim fundatorum ex parte tantum erat executioni mandata, scilicet per celebrationem Missae fa- ctam diebus Dominicis, sed cum Presbyteri non tenerentur eam applicare, onus applicationis manebat adhuc.

Hisce itaque positis, quae ex praesentibus precibus Episcopi N collatis cum iis quas exposuerat eius praedecessor loc. cit. eruuntur, clare apparet in quo consisteret difficultas indulgendi, ut qui celebrarent secundam Missam retinerent sibi fructus o- mnes Primissariarum Missam secundam pro fundatoribus appli- cant es.

Obstabat videlicet declaratio pluries facta a S. Congregatione Concilii qua cautum est, non licere celebranti secundam Missam recipere eleemosynam pro secunda simplici celebratione.

Posito itaque Rescripto: posse permitti prudenti arbitrio Epi- scopi aliquam remunerationem intuitu laboris et incommodi eoc- clusa qualibet eleemosyna pro applicatione Missae, eoque Rescri- pto applicato ad fundationes Primissarias dictas, tres fieri posse hypotheses ex officio est animadversum, idest: detracta summa pro remuneratione ab Episcopo adsignata, vel supererit adhuc tantum quantum manualis eleemosynae taxam exaequat: vel non- nihil supererit quod tamen manualem eleemosynam non attin- gat: vel totum plane a dicta remuneratione absorbeatur.

In prima hypothesi necessarium esse transferre applicatio- nem ad aliam diem, cui translationi cum obstaret voluntas fun- datoris, opus esset Apostolica Auctoritate.

In secunda hypothesi ad reductionem Missarum et transla- tionem esse Auctoritate Apostolica deveniendum.

In tertia hypothesi videndum, quid expediret, an supprimere applicationem Missarum, quod tamen, aliis mediis existentibus, concedi non soleret; an alia onera reducere.

Animadversum denique est, in facultatibus consuetis S. Con- gregationi Concilii a Romano Pontifice collatis, eam etiam esse qua possit et Missas reducere et ad alias dioeceses ecclesias et altaria transferre: immo esse eidem concessum, ut hanc facul- tatem ad triennium sacrorum Antistitibus delegare possit. Qui- bus facultatibus si forte Episcopus N esset instructus videndum esset, num in themate eadem facultate uti posset.