574 IURISDICTIONIS

proprii Episcopi originis. O/nittebat praeterea titulum familiari- tatis qui locum habere non poterat in themate.

Sed, quum soleat esse praxis SS. Congregationum respondendi non per generalia principia, sed tantum applicandi generalia principia ad facta seu casus particulares, totam quaestionem Canonista coercebat ad casum Presbyteri Alexii, videlicet, an Alexius in adiunctis in quibus reperiebatur, teneretur parere Epi- scopo G eum revocanti in novam dioecesim.

Existimabat autem non posse Alexium declinare iussum novi Episcopi.

Id ostendebat ex modo expositis principiis: idest Alexium ss. ordinibus ideo fuisse ab Archiepiscopo N initiatum, quia ad eam partem archidioeceseos pertinebat, quae per divisionem avulsa est: novo autem superveniente Episcopo in eam partem sic divulsam, omnia ei subiecta esse, eodem iure quo antea Ar- chiepiscopo N subiiciebantur: ideoque et Alexium, si factum ali- quod iuridicum non obstaret, subiectum manere novo Episcopo.

Videndum ideoque supererat, an aliquod iuridicum factum a territorio novae dioecesis Alexium exemerit. Hoc iuridicum factum esse posse, prosequebatur Canonista, acquisitionem Be- neficii residentialis vel domicilii : sed neutrum in facto existere. Et ad domicilium excludendum inquiebat, domicilium in aliquo loco ubi aliquis degat ratione alicuius officii, non acquiri etiamsi pluribus annis officium illud ibidem exerceatur: quod est prin- cipium universim admissum et passim indicatur in Foliis S.Con- gregationis, ut in Fanen. 20 Aprilis 1771 §. Civitas; in Terracinen. Privernen. et Albanen. Ordinationis 26 Ianuarii 1833 §.iVo» ea. Officium enim quod ad nutum conferentis est amovibile non im- portat animum perpetuo in aliquo locó commorandi.

Quum itaque ita res se haberent priusquam nova dioecesis erigeretur; erecta nova dioecesi, novoque Episcopo constituto, illico, ipso iure, in huius potestatem transiisse Alexium: nec deinde integrum Alexio fuisse in dioecesim, in qua degebat, la- res transferre aut Beneficium acquirere sine venia novi Episcopi, argumento ex cap. 16 Concilii Trid. sess. 23 de Ref.

Post haec respondebat Canonista ad ea quae obiecerat Alexius, quod scilicet ipse in Seminario Archidioecesis N esset educatus et ab Archiepiscopo N ad ss. ordines assumptus, et ea mente,