592 DECRETUM DE CULTU S. IOSEPHI, ETC.

Nostri quoque muneris esse putavimus providere, ut recens ad- sciti Ecclesiae Patroni honores etiam debito externi cultus splen- dore augeantur, atque dies eius memoriae sacer, qui nunc sanctior et solemnior in tota Ecclesia habetur, praecipuarum aliarum solemnitatum more ab hac Apostolica Sede celebretur. Nos itaque annuo festo recurrente Sancti I OSEPHI universae Ecclesiae Patroni caelestis, Capellani Pontificiam in Palatio Nostro Apostolico in honorem Eius haberi volumus; quod quidem singulis quibusque annis fieri mandamus ac praecipimus, ita ut haec Capella Pon- tificia in honorent sancti I OSEPHI quotannis celebranda, ceteris adnumeretur, quo nimirum ipse sanctissimus Deiparae Sponsus suo patrocinio in tanta hostium oppugnatione non minus catho- licam Religionem, quam hanc Apostolicam Sedem tegere velit ac tueri, ac benigne respondere precibus, quae ad Eum ab universo populo fideli effunduntur, pariterque spei et fiduciae, quam in Ipso merito collocavimus. Hoc vobis significandum esse censuimus. »

APPENDIX XII

DE APOSTOLICO SEMINARIO

Iam a volumine II ad calcem, ut memoria in his ephemeridibus maneret, aliquam dedimus notitiam quae modum respicit, quo susceptum Seminarii Apostolici opus in Pro- grammate delineatum procederet : quod et in hoc volumine eo liben- tius facimus, propterea quod , opus illud gradatim exsecutioni mandan- dum, primum gradum modo exces- sit in secundum ingrediens.

Cumulatis enim praeteritis obla- tionibus, novisque Promotorum Ob- latorumque zelo et charitate super- venientibus, tempus advenit, ut iuxta Programma pag. 15 n. 6 (1) privata

ratione Seminarium Apostolicum ali quod initium sumeret.

Quare ex Promotione Taurinensi quatuor iuvenes optimae indolis o- ptimaeque spei hac de causa Romam missi sunt : hi enim ab Illmo et Rmo D. Archiepiscopo Taurinensi benedicti Romam pervenerunt die 23 Decembris 1871, qui privata in do- mo interim vivunt more clericorum studentium in philosophiam et stu- dium linguae graecae incumbentes.

SSmus Pater, qui in eiusmodi operibus promovendis nemini profecto est secundus, habita huius rei no- itia, illico prospicere dignatus est

(1) Ibi legitur: « Statim ac sufficientes habebuntur oblationes ad paucos iuve- » nes alendos, pretio conducta domo,... iuvenes instituendi recipientia, alenturet » ad publicum aliquod gymnasium mittentur, ut studiis operam navent etc. »