664 LIMBURGEN.

Insuper ut in argumento secundo demonstravi, in parochia Francofurtensi praxis Rituali dioecesano fuit conformis, idque eo fine, ut observaretur decretum Concilii Tridentini et vitaretur nullitas matrimonii.

RESPONSIO AD DUBIUM II.

u Decretum Tridentinum contra matrimonia clandestina eadem ratione eodemque ambitu atque in parochia Francofurtensi etiam sponsos catholicos in vico Bornheimensi adstringit ; at quoniam ex factis in supplicatione allegatis promulgatio cap. Tametsi in illo vico non eadem certitudine et evidentia probari potest atque in parochia Francofurtensi, Rmus Episcopus Limburgensis non ob strictam quandam necessitatem, sed ad tollendos scrupulos et re- movenda dubia parum fundata, merito utetur iure oneroso a Con- cilio Tridentino -Sess. XXIV cap. 1 De reform, matr. his verbis Episcopi concesso : - Ne vero haec tam salubria praecepta quem- quam lateant Ordinariis omnibus praecipit, ut cum primum potue- rint curent hoc decretum populo publicari ac explicari in singulis suarum dioecesium parochialibus ecclesiis, idque in primo saepissi- me fiat, deinde vero quoties expedire viderint. »

Vicus Bornheim nostra aetate quoad administrationem civilem cum civitate Francofurtensi coniunctus est; ante reformationem saeculi decimi sexti extra muros civitatis Francofurtensis situs erat. Propterea sunt qui contendant Bornheim sicut alios vicos extra moenia Francofurtensis sitos, propriam fuisse parochiam. A s t hoc non probatur ex historicis documentis. In aliis antiquis docu- mentis Ecclesia Bornheimensis vocatur cappella. Verum ex his quoque documentis colligi nequit an dicta Ecclesia, ante reforma- tionem, vera fuerit paroecia; quum ex relatis videtur potius erui posse capellani Bornheimensem exstitisse ecclesiam quandam filialem a clero parochiali Francofurtensi administratam.

Ceteroquin istis quaestionibus de distincta vel incorporata pa- rochia ante reformationem in pago Bornheimensi existente non ni- mis insistendum esse existimo in hac controversia. Nam solutio quaestionis canonicae non potest pendere a coniecturis historicis et factis non probatis. At in supplicatione nulla afferuntur argu- menta concludentia, quibus demonstretur Bornheim ante reforma- tionem propriam et distinctam fuisse parochiam.

Praeterea dato et non concesso, quod Bornheim ante pseudo- reformationem proprie fuerit parochia, nequaquam inde sequitur