▾
Aurelius Prudentius Clemens, Analecta Hymnica – L. Hymnographi Latini. Series Altera
⎗←→⎘
▾
Aurelius Prudentius Clemens, d. nach 405.
25. (4. ) Versus de Natale Domini.
27. (6. ) Incipit Versus omni Hora.
28. (7. ) In Natali Innocentum.
33. (12. ) De sancto Laurentio.
34. (13. ) De sanctis Petro et Paulo.
35. (14 a. ) Hymnus beati Vincentii Martyris.
36. (14 b. ) De sancto Vincentio.
37. (14c. ) De sancto Vincentio.
38. (15 a. ) Tersus ante Cibum. (Cathem. III, 1
39. (15 b. ) Hymnus ante Cibum. (Cathem. III, 1-20 86
40. (15 c. ) Versus in Pascha ante cibum. (Cathem. III, 1
41. (16 a. ) Versus post Cibum.
44. (17. ) Versus Ieiunantium.
45. (18. ) Tersus post Ieiunium. (Cathem. VIII, 1
25; 171-180).
1. 0 crucifer bone, lucis sator, Omniparens pie, verbigena. Edite corpore virgineo, Sed prius in genitore potens, Astra, solum, mare quam fierent.
2. Huc nitido, precor, intuitu Flecte salutiferam faciem, Fronte serenus et irradia, Nominis ut sub honore tui Has epulas liceat capere.
3. Te sine dulce nihil, Domine, Nec iuvat ore quid adpetere, Pocula ni prius atque cibos, Christe, tuus favor imbuerit Omnia sanctificante fide.
4. Fercula nostra Deum sapiant, Christus et influat in pateras; Seria, ludrica, verba, iocos, Denique, quod sumus aut agimus, Trina superne regat pietas.
5. Hic mihi nulla rosae spolia, Nullus aromate fragrat odor, Sed liquor influit ambrosius, Nectareamque fidem redolet Fusus ab usque patris gremio.
6. Da, locuples Deus, hoc famulis Rite precantibus, ut tenui Membra cibo recreata levent, Neu piger immodicis dapibus Viscera tensa gravet stomachus.
7. Haustus amarus abesto procul, Nec libeat tetigisse manu Exitiale quid aut vetitum, Gustus et ipse modum teneat, Sospitet ut iecur incolume.