212. (2). In Nativitate Domini.

1. Sonent regi nato nova cantica,

2 a. Cuius pater fecit omnia, mater est virgo sacratissima.

2 b. Generans hic nescit feminam, illa est sine viro gravida.

3 a. Verbum, corde patris genitum ante saecula,

3 b. Alvus matris prodit

corporatum post tempora.

4 a. 0 mira genitura,

o stupenda nativitas !

4 b. 0 proles gloriosa, humanata divinitas !

5 a. Sic te nasciturum, fili Dei, vates tuo docti spiritu dixerant.

5 b. Sic te oriente laudes tibi

cantant, pacem terris angeli nuntiant.

6 a. Elementa

vultus exhilarant,

6 b. Omnes sancti

gaudentes iubilant

7 a. Clamando:

Salve nosque salva,

7 b. Deitas

in personis trina,

8. Simplex usia.