217. (7). In Nativitate B. M. V.

1. Solem iustitiae, regem paritura supremum, Stella Maria maris hodie processit ad ortum; Cernere divinum lumen gaudete, fideles.

2. Stirps lesse virgam produxit virgaque florem, Et super hunc florem requievit spiritus almus; Virgo Dei genetrix virga est, flos filius eius.

3. Ad nutum Domini nostrum ditantis honorem Sicut spina rosam genuit Iudaea Mariam, Ut vitium virtus operiret, gratia culpam.