Coelii Sedulii Elegia.

 

0753B 361 Cantemus, socii, Domino cantemus honorem,
Dulcis amor Christi personet ore pio.
Primus ad ima ruit magna de luce superbus,
Sic homo, cum tumuit, primus ad ima ruit.
((5)) Unius ob meritum cuncti perire minores,
Salvantur cuncti unius ob meritum.
Sola fuit mulier, patuit qua janua letho:
362 Et qua vita redit, sola fuit mulier.
0754B Frater iniquus erat justum qui perculit olim,
((10)) Damnator Christi frater iniquus erat.
Transitus ille monet, quid prima amisit origo,
Quid ventura parent, transitus ille monet.
Arca levatur aquis, homines ne perderet aequor,
Ne pereant homines, arca levatur aquis.
((15)) Sume, pater, populos pro nati vulnere cunctos
Cum tradis Christum, sume, pater, populos.
0755A Hostia summa Patris, tacitis signata figuris;
Quam referat Christus, hostia summa Patris.
Claudicat ecce videns Dominum, dum praevalet, heros,
((20)) 363 Aspera gens Christum claudicat ecce videns.
Reppulit ille famem, venitus crimine fratrum:
Venditus est Christus, reppulit ille famem.
Perfide, corde peris, dum vastant omnia plagae,
Dum cessant plagae, perfide, corde peris.
((25)) Agnus ab hoste sacer revocavit sanguine patres,
0756A Sanguine nosque refert agnus ab hoste sacer.
364 Obruit unda nefas, populo gradiente per aequor,
Nunc mundi populis obruit unda nefas.
Murmurat impietas, manna veniente refecta,
((30)) Panis adest Christus, murmurat impietas.
Plebs sibi dura caput terrae cultoris adoptat,
Abstulit, heu! Christum plebs sibi dura caput.
Lex dedit indicium veteris de crimine poenae,
Quodque salus veniat, lex dedit indicium.
((35)) En lapis irriguus, satiare, incredule, fonte:
0757A Qui Christum reprobas, en lapis irriguus.
Carpitur igne sacro munus, votumque piorum,
365 Seditiosa tribus carpitur igne sacro.
Regna beata Patris legis non contigit haeres,
((40)) Jesus dispensat regna beata Patris.
Destruit arca Dei, muros dum circuit, hostem,
Sic hostem mundi destruit arca Dei.
Area vellus habet, madido sed vellere sicca est,
Siccum tota madens area vellus habet.
((45)) Vincis honore Dei promisso in munere gentes,
Affectum natae vincis honore Dei.
Tu decus omne tuis, qui sternis caede Goliam;
Qui vincis mundum, tu decus omne tuis.
Maxima dona Dei cuncti cecinere prophetae,
((50)) Implevit Christus maxima dona Dei.
0757B Pondera dura tulit mandatum legis, et iram,
Gratia mandati pondera dura tulit.
366 Virgo Maria nitet, nullo temerante pudore,
Post partum pueri virgo Maria nitet.
((55)) 0758A Filius hic hominis fit maxima quaestio mundi,
Nobiscum Deus est filius hic hominis.
Gaudia magna Dei mundus percepit, et ambit,
Respuit, heu! mundus gaudia magna Dei.
Signa movent populos, cernunt magnalia caeci,
((60)) Nulla tamen duros signa movent populos.
Aspera mors populis ligno deducta cucurrit,
Aufertur ligno aspera mors populis.
Ipse tulit Dominus pro poenis munera servis,
Pro servis poenas ipse tulit Dominus.
((65)) Vita beata necem miseris avertere venit,
Pertulit a miseris vita beata necem.
Lumen adesse Dei, persensit tartarus ingens.
367 Nec cernunt homines, lumen adesse Dei.
0758B Mors fera per hominem miserum sibi subdidit orbem,
((70)) Subdita congemuit mors fera per hominem.
Suscitat ecce genus morti pater ille profanus,
0759A Ad vitam Christus suscitat ecce genus.
Hic populus Dominum dura cervice negavit,
Suscepit primus hic populus Dominum.
((75)) Sanguine laeta redit fuso gens impia Christi,
Gustato Christi sanguine laeta redit.
Crimina cuncta suis terrenus contulit auctor,
Dissolvit Christus crimina cuncta suis.
Libera corda sibi facinus devinxerat olim,
((80)) Nunc reficit Christus libera corda sibi.
Fortia vincla dedit peccati saeva potestas,
Dulcis amor Christi fortia vincla dedit.
Jam super astra sedet, cuncti exsultate fideles:
Perfide, quid saevis? jam super astra sedet.
((85)) 368 Mortuus ille tonat, coelum, terramque subegit:
0759B Quid facient hostes? mortuus ille tonat.
Pellitur umbra die, Christo veniente figura,
Christus adit gentes, pellitur umbra die.
0760A Te properare docent et signa, et saecula prima,
((90)) Nos sacra quae gerimus, te properare docent.
Unicus adveniens firmavit vota primorum,
Vota dedit nobis unicus adveniens.
Passio, Christe, tui complevit munera legis,
Munera nostra replet passio, Christe, tui.
((95)) Hic homo, qui Deus est, spes est antiqua piorum,
Spes in fine piis hic homo, qui Deus est.
369 Munus erit fidei toto credentibus aevo,
Qui dedit, ut credant, munus erit fidei.
Te veniente, Deus, mundanus concidit error,
((100)) Occidit hic mundus, te veniente, Deus.
Gratia plena Dei est, quae totis gentibus exstat,
0760B Abscedant sectae, gratia plena Dei est.
Sola columba redit, quae totum circuit orbem,
Discedant corvi, sola columba redit.
((105)) 0761A 370 Adveniet Dominus dare digna piis, mala pravis,
Credite jam, miseri, adveniet Dominus.
Visio, Christe, tui tormentum, et poena malorum est,
0762A Gloria cuncta bonis visio, Christe, tui.
Gloria magna Patri, semper tibi gloria, nate,
((110)) 371 Cum sancto Spiritu gloria magna Patri.

 

0763