2. De Corpore Christi.

1. Est hic panis gloriosus,
Summus, summe gratiosus,
Mira dans solamina.

2 a. Panis cenae praesentatus
Fuit nobis, et donatus
Manu sapientiae.

2 b. Panis felix, triumphalis,
Titulus caelestialis,
Res misericordiae.

3 a. Panis animas defendens
Nostras semper et protegens
Ab hoste superbiae.

3 b. Panis, cibus angelorum,
Toto coetu beatorum
Dat regina gloriae.

4 a. Panis obvians ruinae,
Turris plebis peregrinae
Adversando daemoni.

4 b. Panis, qui sanas languores
Et aufers nostros dolores
Huius mundi miseri.

5 a. Panis, qui ducis ad portum
Et praeparas nobis hortum
Optimi delicii.

5 b. Panis, qui das paradisum
Et ostendis Deum vivum
Superni palatii.

6. Iste panis tres aequales
In se continet vocales
Trinitate numine.