19. De sancto Aegidio.

1 a. Exsultet felix Graecia,
Quae natum stirpe regia
Docet Christi monita;

1 b. Gloriose recolamus,

Ore cordeque pangamus
Clara docti merita.

2 a. In templum it Aegidius,
Iacentem aegrum citius
Tegens curat vestibus ;

2 b. Derelinquens patris aedem
Christum statuit heredem
Mortuis parentibus.

3 a. Toxicato a serpente
Virus refugat repente,
Mox obsessum liberans,

3 b. Ventos maris et sedavit,
Cum ereptis perfretavit
Arelaten properans.

4 a. Saluti cum Caesareo
Insudat hic biennio
Febres trimas abigens,

4 b. Gliscens eremum discedit,
Veredemio consedit
Ubertatem dirigens.

5 a. Praesumens iter latius
Fontem, antrum obscurius
Cervae carpit alitu;

5 b. Exeuntes regis natos

Ad venandum tunc paratos
Prohibet ab aditu.

6 a. Cervae suae, quam sequuntur,
Caues stare compelluntur,
Accidit hoc triduo ;

6 b. Vocans rex archimandritam
Cari patris strictam vitam
Intuentur mutuo.

7 a. Senex sagitta laeditur,

In cervam quae detenditur,
Vulnus morti retinet ;

7 b. Claustro regis fabricato
In collegio beato
Sacer abbas eminet.

8 a. Orantique pro Carolo
Carta datur ab angelo
Noxam delens abditam.

8 b. Defunctum inde suscitat,
Post moram Romam visitat,
Bullam defert traditam.

9 a. Bina cypressi ostia
Mire locat per maria
Plasmatoris viribus.

9 b. Contracto gressum porrigit,
Ostia demum erigit
Laetum palans fratribus.

10 a. Turma sonans angelorum

Eius animam ad chorum

Aevo fert gaudentium.

10 b. O Aegidi, vir sacrate,
Nos post necem indilate
Thronis duc viventium.